O Concello de Tui conta cunha mestra composteira para desenvolver o “Plan de acción en materia de resíduos orgánicos e compostaxe”

O Concello de Tui conta unha mestra composteira para desenvolver o “Plan de acción en materia de resíduos orgánicos e compostaxe”. O pasadao día 1 de xuño de 2020, comezou a traballar a nova mestra composteira Sara Luque Coto. O seu cometido será  a execución e desenvolvemento do “Plan de acción en materia de resíduos orgánicos e compostaxe”.

A nova mestra composteira vai realizar , entre outros traballos, os pormenores técnicos do mantemento dos Centros de Compostaxe Comunitarios situados no centro urbano de Tuí facilitados polo Plan Revitaliza da Deputación de Pontevedra. Outro dos seus cometidos será a distribución dos composteiros  individuais, realizando un seguimento de todos os composteiros do municipio doados  a través de Plan de Compostaxe. 

O Concello de Tui coa incorporación á plantilla municipal da mestra composteira afianza a súa aposta pola xestión e reciclaxe dos restos orgánicos municipais dun xeito sostible e de acordo cos principios da Economía Circular que imperan na Unión Europea.