O alcalde de Tui inaugura mañá ás 13h a I Mostra da Camelia Cidade de Tui

O alcalde de Tui, Enrique Cabaleiro, será mañá sábado, 16 de xaneiro, ás 13h o responsable de inaugurar a I Mostra da Camelia Cidade de Tui na Sala de Exposicións Municipal, na Área Panorámica de Tui. Esta actividade está organizada por un grupo de tudenses amantes da camelia coa colaboración do Concello de Tui xunto á Deputación de Pontevedra e a Sociedade Española da Camelia. Na mesma van participar sesenta expositores de Galicia, Portugal e Asturias. Amais de distintas variedades de camelia, coma novidade haberá tamén aceites e marmeladas feitos a base dos pétalos destas flores. A I Mostra da Camelia poderá visitarse mañá sábado de 16.30h a 20h e o domingo de 10 a 14h e de 16 a 19.30h.