A música do Conservatorio e da Escola de Música de Tui súmase á maxia deste Nadal con catro concertos

O bo facer dos músicos e músicas que forman parte do Conservatorio Profesional/Elemental e da Escola de Música Municipal de Tui estará moi presente no Nadal, con catro concertos abertos á veciñanza para poñer a nota musical a este mes de decembro. Deste xeito o alumnado deste centro de ensinanzas musicais súmase á maxia do Nadal en Tui.

A primeira cita será o próximo mércores 11, ás 20 h, no Teatro Municipal, e será solidaria con SOS Tomiño Baixo Miño. A entrada será 1 kg de alimentos non perecedoiros que se recollerá na porta do teatro o propio día do concerto.

Xa na terceira semana deste mes, o novo espazo cultural da rúa Camilo José Cela acollerá tres eventos musicais. O primeiro deles será o martes 17, o segundo o mércores 18, e o terceiro o xoves día 19. Os tres serán ás 18.30 h, con entrada libre e gratuíta.

Actuarán solistas, agrupacións, orquestra de cordas, bandas, un conxunto de gaitas e o alumnado máis novo do curso de Música e Movemento.

Programación

Concerto solidario de Nadal do Conservatorio Profesional/Elemental e da Escola de Música Municipal de Tui.

• Mércores, 11 de decembro, ás 20h
• A partir das 18 h Recollida de alimentos non perecedoiros por parte de Sos Tomiño Baixo Miño na porta principal do Teatro  
• Entrada de balde ata completar aforo aportando 1 kg de alimentos non
• perecedoiros.

Música no novo espazo cultural da rúa Camilo José Cela

• Martes, 17 de decembro, ás 18.30 h
  
  • 1ª parte: Solistas e diferentes agrupacións
  • 2ª parte: Orquestra de cordas do Grao Profesional
• Mércores, 18 de decembro, ás 18.30 h
  
  • 1ª parte: Solistas e diferentes agrupacións.
  • 2ª parte:  Banda de vento  e percusión do Grao Profesional.
• Xoves 19 de decembro ás 18.30 h
  
  • 1ª parte: Actuación das alumnas e alumnos de Música e Movemento (5 e 6 anos) + Solistas e diferentes agrupacións
  • 2ª parte: Conxunto de gaitas do Grao Profesional.