Este venres no Teatro Municipal Elefante Elegante presenta "In" espectáculo que mestura música e danza
Elefante Elegante presenta este venres “In”
O espectáculo mestura danza e teatro
A representación será ás 21.30h, no Teatro Municipal
Mércores, 4 de maio de 2011. “In” é o título do espectáculo que este venres, a partir das 21.30h, a compañía Elefante Elegante presenta no Teatro Municipal de Tui.
“In” é un espectáculo sensitivo e universal que indaga na representación contemporánea da figura humana. No mesmo danza e teatro van da man, para indagar en nós mesmos, no que se enfronta o que somos e o que parecemos. O punto de partida é unha voda na que se suceden sentimentos de hipocrisía, envexa, ciumes, luxuria,... tendo coma pano de fondo un pseudo ideal de beleza. “In” faranos pensar e disfrutar, faranos sentir e ollar doutro xeito a mestura que propón de danza e teatro todo nun, no que a linguaxe plástica fala con voz propia.
“In” está escrito e dirixido por María Torres. O elenco está formado por Fredi Muíño, Ángela Blanco, Maria Torres, Gonçalo Guerreiro e Nuria Sotelo.
Elefante Elegante con sede na Coruña ten orixe galego-portugués. Foi creada por María Torres e Gonçalo Guerreiro para dar forma artística ás súas inquedanzas sociais e existencias. O seu primeiro proxecto experimental, en 2000, foi “Teatro escondido” co que viaxaron durante sete anos entre Galicia, Bélxica e Portugal. Dende a súa creación teñen producido cinco espectáculos.
As entradas para esta representación están xa á venda ata o venres ás 13h na web www.culturatui.info ou o venres dende ás 20h pódense adquirir no despacho de billetes na Área Panorámica. As entradas teñen un prezo xeral de 5€, e 3€ para os que teñan dereito a algúns dos descontos establecidos como nenos, xubilados, estudantes, parados, familia numerosa, discapacitado ou posuidores do carné xove ou do carné máis.
Elefante Elegante con “In”
Data: Venres, 6 de maio, ás 21.30h
Prezo das entradas: 5€ - 3€
Venda de localidades: En www.culturatui.info ata o venres ás 13h e no despacho de billetes o venres dende ás 20h.
Máis información en: www.culturatui.info ou en www.elefanteelegante.net