Este mércores, 2 decembro, estará en Tui a Aula Móbil do Plan de Garantía Xuvenil
30/11/2015
Este mércores, 2 de decembro, estará en Tui a Aula Móbil Itinerante do Plan de Garantía Xuvenil da Xunta de Galicia. A Aula estará situada no Paseo da Corredoira de 12 a 20h. Os mozos de entre 16 e 29 anos, destinatarios deste programa, poden inscribirse para visitar a aula no 881 995 700, amais aqueles mozos en situación de risco de exclusión social ou discapacidade poderán anotarse de xeito presencial o propio mércores. O
Concello de Tui colabora na difusión da presenza desta Aula na cidade.
A presenza da Aula Móbil Itinerante do Plan de Garantía Xuvenil, súmase á charla realizada sobre este plan o pasado 11 de novembro na Aula CeMIT de Tui.
A Garantía Xuvenil é unha iniciativa europea cuxo obxectivo é garantir que os mozos menores de 29 anos poidan recibir unha oferta de emprego, de educación continua ou un período de prácticas logo de rematar a educación formal ou quedar desempregados. Así pois o Plan de Garantía Xuvenil da Xunta vai dirixido a mozas e mozos con idades entre os 16 e os 29 anos. O seu obxectivo é garantir a igualdade de oportunidades no mercado laboral, ofrecer experiencia laboral, formación ou cursos de idiomas e TIC.
Aula Móbil do Plan de Garantía Xuvenil
Día e hora: Mércores, 2 de decembro, de 12h a 20h
Lugar: No Paseo da Corredoira