Derradeiro concerto do alumnado e profesorado do Conservatorio e da Escola de Música de Tui
7/07/2021
Será mañá xoves, 8 de xullo, ás 19.30 h, no Paseo da Corredoira
Mañá terá lugar o derradeiro concerto do alumnado e profesorado do Conservatorio Profesional e da Escola de Música de Tui, nun ciclo que comezou o pasado mes de xuño coa colaboración da concellería de Cultura.
A cita será mañá xoves, 8 de xullo, ás 19.30 h no Paseo da Corredoira. Actuarán conxuntos de gaitas, saxos, e vento metal formados por alumnado do Conservatorio, e tamén participarán alumnos solistas. Con diferentes formacións interpretarán composicións de distintos estilos dende o folk, a música clásica, pop, jazz ou BSO.