Facebook Twitter Vimeo Instagram Youtube

Bo Nadal

24/12/2024

Tui, a dos vellos amores,

toda de fores cuberta,

toda de groria vestida,

co seu ponte, arpa de ferro

que fixo a bela Poesía

pra cantar ó son da gaita

a hermosura de Galicia,

coa Catedral, que somella

unha custodia bendita,

de pedra branca do monte

por maus d’anxeles tecida

Manuel Lago González

O vindeiro 18 de marzo de 2025 celebraremos o centenario da súa morte sendo arcebispo de Santiago de Compostela


A chegada do tempo de Nadal é una fermosa oportunidade para expresar os nosos sentimentos de fraternidade que son o especial urdido que entrelaza a unha comunidade, no noso caso a todos os tudenses neste labor común de construír conxuntamente esta cidade.

O Nadal é unha oportunidade para compartir os nosos sentimentos de paz e prosperidade para todos e de solidariedade para cos desfavorecidos. O Nadal é tempo para renovar as nosas esperanzas e ilusións, para que renazan os ideais e os devezos, mesmo a tenrura que nos aprenden as nosas nenas e nenos que viven con intensidade este tempo.

O Nadal convídanos ao encontro con familiares e amigos, con veciños e compañeiros, con todos os que comparten esta terra con nós... un encontro que nos engrandece e que revitaliza os valores que nos identifican como sociedade.

Bo Nadal para todos e feliz ano 2025.

Enrique Cabaleiro González

Alcalde de Tui