A Banda de Música Popular de Tui e o Coro Mistura Vocal despiden o ano musicalmente en Tui

A Banda de Música Popular de Tui e o Coro Mistura Vocal serán as dúas agrupacións encargadas de pechar musicalmente o 2015 en Tui co Concerto de Fin de Ano que se celebra este mércores, 30 de decembro, ás 21h no Teatro Municipal de Tui.

As entradas para este evento musical están xa á venda, ao prezo de 3,5€ e 2,5€, en www.culturatui.info ata o mércores ás 13h. Poderán mercarse tamén  no despacho de billetes o mércores dende ás 19.30h.

O Coro Mistura Vocal, dirixido por Aloia Martínez, naceu en outubro de 2014 ofrecendo o seu primeiro concerto hai agora un ano. Neste tempo tense consolidado coma un coro independente no que os seus integrantes inician unha nova etapa con enerxías renovadas e ambicións de futuro. O programa que van interpretar este mércores é o seguinte:

• Es Ist Ein Ros Entsprungen          Arm. Michael Praetorius    
• In Dulci Jubilo                               R. Pearsall                                      
• Tempo De Nadal                          Julio Domínguez                            
• White Christmas                           Irvin Berlin/Hector Mccarthy         
• Aritz Adarrean                      Texto Trad. Euskadi/Mús. Julen Ekurra
• Duérmete Que Viene Preguntando        Javier Busto
• Cantiga De Noiteboa                    Julio Domínguez                            
• Noel Nouvelet                               Trad. Francia/Arm. Philip Lawson
• The Holly And The Ivy           Trad. Inglaterra/ Arm.Audrey Snyder     
• Deck The Hall                                          Arr. Audrey Snyder            
• Medianoite Máxica                     Julio Domínguez                            

Durante dúas das pezas que interpretará o Coro Mistura Vocal actuarán bailaríns da Escola de Danza Paula Cobián.

A Banda de Música Popular de Tui  afunde as súas raíces a finais do século XIX, pasando ao longo da súa historia por distintas vicisitudes que a levaron a desaparecer nun par de ocasións. Mantén unha actividade estable e continuada dende os anos 80 tendo na Escola de Música e no Conservatorio Profesional de Música de Tui o berce de moitos dos seus músicos. Dirixe esta  agrupación Adolfo Besada. No concerto deste mércores  ofrecerán:

• Ande Marimorena                                                                          
• My Way                                        Claude François                           
• Vals Emperador                           Johan Strauss                    
• Vals Rosas Del Sur                      Johan Strauss
• Vals Danubio Azul                        Johan Strauss                                
• Marcha Radetzky                         Johan Strauss

Amais o Coro Mistura Vocal e a Banda de Música Popular de Tui ofrecerán de xeito conxunto Adeste Fidelis, Da Rosa Rosiña, Ave María e Stille Nacht.

Concerto de Fin de ano

Data: Mércores, 30 de decembro, ás 21h

Lugar: Teatro Municipal de Tui

A cargo do Coro Mistura Vocal e da Banda de Musica Popular de Tui, coa participación da Escola de Danza Paula Cobián

Venda de entradas en www.culturatui.info ata o mércores ás 13h ou o mércores dende ás 19.30h no despacho de billetes ao prezo de 3,5€ e 2,5€.