Balance positivo da I Xornada de Negocio “Mulleres Conectadas” celebrado hoxe en Tui con preto de 40 participantes
Balance positivo da primeira xornada de negocio “Mulleres Conectadas” celebrada esta mañá na Aula da UNED de Tui dentro da programación do Día Internacional da Muller.
Mulleres emprendedoras, empresarias e directivas de moi diversos ámbitos coñecéronse, compartiron experiencias e inquedanzas neste encontro que buscaba propiciar a formación de redes profesionais que a súa vez permitan xerar oportunidades laborais e de negocio.
A concelleira de Igualdade, Ana Núñez, deulles á benvida a primeira hora da mañá amosando a súa satisfacción pola ampla participación rexistrada con case corenta mulleres inscritas pertencentes a sectores moi variados coma artesanía, hostalería, sanitario, consultoría, deseño,…
A continuación cada muller explicou de xeito breve a súa experiencia empresarial, dando paso logo a pequenos grupos de encontro no que se puideron coñecer máis polo muído, falar de proxectos e de realidades.
Tivo lugar amais a presentación de empresas coma Bodega Corisca, Ideas Peregrinas, Plaintec, Visualiza, Rectoral de Areas, Lenda Pet Food e Kooch, e os servizos de SmartPeme.