Até o 10 de xaneiro está aberto o prazo para renovar a autorización de postos no mercado semanal
Celébrase cada xoves na prolongación da rúa Casal Aboy
Até o 10 de xaneiro está aberto o prazo, no Concello de Tui, para presentar as solicitudes de renovación dos postos no mercado semanal que os xoves se celebra na prolongación da rúa Casal Aboy. As persoas vendedoras deberán presentar a solicitude no modelo normalizado, dispoñible na web www.tui.gal, xunto coa documentación requirida.
Aquelas persoas que transcorrido o prazo de solicitude non tiveran presentado a documentación, non poderán instalar os seus postos, en caso de facelo poderán ser sancionados segundo recolle o propio regulamento municipal de venda ambulante
En Tui o mercado semanal celébrase en horario de mañá os xoves na prolongación da rúa Casal Aboy. Hai postos de roupa, complementos, calzado, alimentación, flores, fogar, … entre outros produtos.
Solicitude de autorización, cambio de titularidade ou renovación de postos ambulantes 2022