Ampliadas ata o 4 de setembro as xornadas de portas abertas no Telecentro de Tui
O pasado lúns 17 de agosto o Telecentro de Tui comezara a realización dunhas "xornadas de portas abertas" dirixidas a toda a poboación tudense para a difusión dos recursos que ofrece á cidadanía o Telecentro do Concello de Tui. Unha iniciativa que chegaba ata este lúns 31 de agosto.
Diante da favorable acollida desta inicitiva que fornece aos cidadáns a posibilidade de acceso ás novas tecnoloxias da información e a comunicación, a Concelleria de Cultura do Concello de Tui ven de prorrogar estas Xornadas de Portas Abertas ata o vindeiro venres 4 de setembro.
Asíde 11,00 a 14,00 horas aqueles veciños interesados en coñecer este Telecentro poderan acceder aos recursos dos que dispón este servizo municipal, que tenta superar a fenda dixital que sufren os cidadáns da nosa Comunidade Autónoma no acceso ás novas tecnoloxias da información e a comunicación.
Os obxectivos do Telecentro de Comunicación son os seguintes:
- Ser un espazo aberto de comunicación.
- Familiarizar á cidadanía coas novas canles e soportes audiovisuais de comunicación.
- Facilitar o acceso público a Internet como medio de comunicación favorecendo a democratización de acceso aos servizos que proporciona a Sociedade da Información.
- Alfabetizar dixitalmente aos grupos máis afastados do desenvolvemento e implantación das novas tecnoloxías.
- Mellorar a formación profesional dos profesionais do sector audiovisual e multimedia.