Facebook Twitter Vimeo Instagram Youtube

Alumnado de 4º da ESO dos IES’s San Paio e Indalecio Pérez, do Seminario e do Colexio Maristas participan mañá no programa Cine nas Aulas

29/11/2022

Mañá mércores terá lugar a segunda proxección do programa Cine nas Aulas no Teatro Municipal de Tui. Asistirán un total de 198 alumnos e alumnas  e  profesores e profesoras de 4º de ESO dos IES San Paio, Indalecio Pérez Tizón,  Seminario Menor San Paio e Colexio Maristas Sta María. Con esta película traballaran sobre valores como aceptación, amizade, igualdade, inclusión, respecto, superación, comprensión, liberdade, empatía, amor, lealdade, coraxe, dignidade.

Dende o Servizo de Prevención das Drogodependencias do Concello de Tui levan anos traballando co cinema coma ferramenta ante o atractivo que ten para o público obxectivo do programa: a mocidade. A través da proxección dunha película preséntase a oportunidade de captar a atención dos máis novos, apoiar a súa capacidade de reflexión e favorecer a análise e a crítica dos contidos educativos que presenta.

A metodoloxía empregada plantexa  que o alumnado  traballe o tema da prevención a partir das películas. Todo o material complementario que se lle facilitará, servirá como soporte para tratar as diversas temáticas transversais que aparecen en cada guía, xa que o cine pode resultar un recurso de primeira magnitude para implementar todo iso, e pode facilitar, ademais, a profundización noutros ámbitos transversais que resulten de interese de cada docente.