Abertas as inscricións para o Curso de Adestrador Básico de Fútbol UEFA B
A Federación Galega de Fútbol, a través da Escola de Adestradores, vai organizar un novo curso de adestradores no concello de Tui. Esta vez será o “Curso de Adestrador Básico de Fútbol – UEFA B”, que será impartido na aula Cemit da Área Panorámica.
Coa obtención deste diploma os adestradores terán a posibilidade de dirixir os equipos en todas as categorías de base (excepto Liga Nacional Xuvenil e División de Honra Xuvenil), e é o único título que permite acceder a licenzas UEFA, necesarias para adestrar fóra do noso país.
As inscricións poderán realizarse on-line, a través da páxina web da Federación Galega de Fútbol, no apartado de Adestradores, ata o venres 23 de setembro, encontrando toda a información nesta web, chamando ao número de teléfono 981.120.619 – extensión 5, ou no enderezo electrónico escueladeentrenadores@futgal.es