Mañá preséntase a Aloiada 2016 que se celebrará este xoves e venres

Mañá martes, 14 de xuño, ás 11.00 horas, na sala de concelleiros da casa do concello de Tui, terá lugar a presentación da actividade Aloiada, organizada polo CEIP Nº1, Nº2 de Tui e o CEIP de Pazos de Reis, no que máis de 120 nenos e nenas realizarán diferentes actividades deportivas no Parque Natural do Monte Aloia e no río Miño.

Na mesma estarán presentes o alcalde de Tui, Enrique Cabaleiro, o concelleiro de deportes, Laureano Alonso, o director Manuel Fálquez, e o profesor de educación física, Fernando Domínguez, do CEIP de Pazos de Reis,  a directora Cristina Novoa e o profesor de EF Alberto López polo CEIP Nº1, polo seu director, Luís Herminio Ruíz, e a profesora de EF, Beatriz González do CEIP Nº2.