Proxección da película “Os Fenómenos” este venres no Teatro Municipal de Tui

Mércores, 11 de novembro de 2015. Este venres, 13 de novembro, ás 21.30h, proxectarase no Teatro Municipal de Tui a película “Os Fenómenos” dirixida por Alfonso Zarauza e interpretada por Lola Dueñas, Luís Tosar, Miguel de Lira, Antonio Durán “Morris”, Xosé A, Touriñán e Federico Pérez Rey

O filme conta a historia dunha muller que vive desde hai tres anos nunha furgoneta aparcada na costa de Almería, ve como a súa parella desaparece o día en que ía comezar a traballar. Regresa co seu bebé á súa vila natal, Ferrol. Ao principio ten problemas para  atopar traballo, pero remata conseguindo un posto de peón de albanel.

As entradas están á venda en www.culturatui.info ata o venres ás 13h, ou o venres dende ás 20h no despacho de billetes ao prezo de 5€ e 3€.

Proxección da película “Os Fenómenos” de Alfonso Zarauza

Data: Venres, 13 de novembro, ás 21.30h

Lugar: No Teatro Municipal de Tui

Venda de entradas na web www.culturatui.info ata o venres ás 13h ou o venres dende ás 20h no despacho de billetes ao prezo de 5€ e 3€.