Tui recibe a 1162 turistas e peregrinos no pasado mes de xuño
Venres, 3 de xullo de 2015. Tui recibiu, no pasado mes de xuño, a 1162 visitantes e peregrinos, que puideron gozar dos múltiples atractivos que ofrece a nosa cidade. Estes datos foron achegados pola oficina de turismo municipal.
As cifras máis altas proceden do sector de peregrinos internacionais, onde 722 persoas fixeron o camiño de Santiago dende Tui. Por nacionalidades, 235 peregrinos procedían de Portugal, 83 de Alemaña, 76 dos Estados Unidos e 68 de Italia, entre outros.
Por outra banda, un total de 312 peregrinos viñeron a Tui dende distintos puntos da xeografía española. Por provincias, 76 procederon de Cáceres, 45 peregrinos chegaron dende Madrid, 37 dende Badaxoz e 17 foron leoneses e valencianos
Finalmente dámoslles conta de que 128 turistas internacionais visitaron a nosa cidade no pasado mes de xuño. Por procedencia, os máis numerosos foron portugueses, franceses, ingleses e alemáns.