O Concello de Tui abre un novo prazo de inscrición para a terceira quenda dos Campamentos Urbano se Deportivos de Verán 2014

A segunda quenda comezará o próximo mércores 16, ás 09.00 horas, no novo pavillón deportivo municipal

Xoves, 10 de xullo, de 2014.  Ante a existencia de hai prazas dispoñibles para a terceira quenda, dos Campamentos Urbanos e Deportivos de Verán 2014, que se celebrará do 1 ao 14 de agosto, o Concello de Tui volve a abrir o prazo de inscrición para esta quenda para todos os pais e nais que o desexen. Os interesados deberán entregar a folla de inscrición e a documentación solicitada, na secretaría do Concello de Tui, o martes 15, mércores 16 e xoves 17 de xullo, en horario de 9 a 14h. Unha vez realizada a inscrición, deberán facer o ingreso do prezo do campamento (30,56€) na tesourería do Concello.

Por outra parte lémbrase aos pais e nais dos nenos e nenas inscritos na segunda quenda do Campamento, que o mércores 16 de xullo ás 9h no novo pavillón deportivo municipal de Tui, se realizará a presentación desta quenda, así como unha charla informativa dos coordinadores da actividade.

Na primeira quenda, que rematará o próximo martes 15 de xullo, 190 nenos e nenas de tres a doce anos, veñen realizando diferentes actividades deportivas e de lecer nas instalacións deportivas municipais, no río Miño, Monte Aloia e rúas da cidade.