Hoxe sae de Tui o XIII Concurso de Patrullas Tui-Santiago

Martes, 27 de maio de 2014. Hoxe martes, 26 de maio, ás 7.30h saiu do pantalán do Centro Interfederado de Tui o XIII Concurso de Patrullas Tui-Santiago organizado pola Brigada de Infantería Lixeira Brilat Galicia VII.

Participan un total de 24 patrullas, incorporándose por primeira vez a este concurso o Corpo de Maríns do Exército de Estados Unidos, adscritos á base aérea de Morón de la Frontera, así coma a Brigada de Infantería Ligera Bril V "San Marcial" de Álava; o Reximiento de Artillería de Campaña número 11 de Burgos, o Reximiento de Intelixencia de Valencia e a Brigada Mecanizada X "Guzmán el Bueno" de Córdoba. As dúas últimas edicións foron gañadas polo Batallón de Zapadores da Brilat "Galicia" VII.

Este Concurso de Patrullas combina resistencia física e destreza militar, estando pensado para potenciar lideratos e valores como el compañeirismo e identidade de grupo. As patrullas participantes enfróntanse a cento vinte quilómetros de percorrido,  con sete probas puntuables de recorrido topográfico, tiro de precisión con fusil, paso de pista de obstáculos, rapel, paso de río a nado, lanzamento de granadas e recorridos cronometrados.  Entre as probas máis vistosas para o público estará o paso a nado do río Lérez, en Pontevedra, mañá martes á tarde. O tempo máximo do que dispoñen é de 36 horas e 40 minutos para completar o percorrido Tui-Santiago e realizar as sete probas.