A Citania Tudense de Cantos Somos impúxose no Entroido de Tui

Deuses e Mitos na Antiga Grecia de Matamá levou o segundo premio xeral e de acompañamento musical. Regreso á Idade de Xeo de Pexegueiro fíxose co primeiro premio en carrozas

Mércores, 5 de marzo de 2014. Tui desafiou á choiva e celebrou onte o Desfile-Concurso de Entroido. Debido ao mal tempo reduciuse o circuíto de desfile á rúa Compostela onde, paraugas en man, se deron cita de novo miles de persoas para presenciar o paso das once comparsas participantes.

A representación dunha “Citania tudense” co Castro do Alto dos Cubos por parte da comparsa Cantos Somos fíxose co premio xeral do desfile, levándose o primeiro premio en acompañamento musical, e o terceiro en carrozas.

Deuses e Mitos na Antiga Grecia da Sociedade Cultural e Deportiva de Matamá de Vigo levouse o segundo premio na categoría xeral, así como en carrozas e acompañamento musical.

A película de animación Ice Age representada pola Asociación Cultural O Mosteiro de Pexegueiro cun Mamut levouse o primeiro premio en carrozas. Tamén se fixo co terceiro premio na categoría xeral .

Por último na categoría de Fantasía o premio foi para a Asociación Cultural “Virxe da Fonte da Franqueira” da Cañiza que participaba por primeira vez en Tui

A choiva desluciu o desfile aínda que os membros das distintas comparsas, fixeron gala de bo humor realizando as coreografías e lucindo o traballo que levan elaborando ao longo dos últimos meses.  A Cañiza, Salceda, Gondomar, Vigo, Tomiño e Tui foron o lugar dende o que chegaron os participantes con alegorías da Grecia Antiga, dunha tribo africana, dos peliqueiros de Lazo, de repostería e gominolas, o do vello Oeste.

Todas as comparsas e grupos deberán asistir ao Enterro do Bacallau que terá lugar o domingo, 9 de marzo,  ás 19.30h dende a Praza de San Fernando.

Premio Xeral

1. Cantos Somos...Citania Tudense
2. Deuses e Mitos na Antiga Grecia da Sociedade Cultural Atlántida de Matamá
3. Regreso á Idade de Xeo da Asociación Cultural “O Mosteiro” de Pexegueiro
4. Gominolandia da Asociación Cultural “O Borralliño” de Soutelo de Salceda
5. Os Pelimacanudos da Asociación Cultural Grupo de Baile “Balcón do Val Miñor” de Morgadáns de Gondomar
6. Luces de Tomiño da Asociación Cultural Comparsa “Luces de Tomiño”
7. Lembranzas do vello Oeste da Asociación Cultural “Lembranzas” de Guillarei

Premio Carroza

1. Regreso á Idade de Xeo da Asociación Cultural “O Mosteiro” de Pexegueiro
2. Deuses e Mitos na Antiga Grecia da Sociedade Cultural Atlántida de Matamá
3. Cantos Somos...Citania Tudense
4. Gominolandia da Asociación Cultural “O Borralliño” de Soutelo de Salceda
5. Top Repostería Malvas da Asociación Cultural “Santiago” de Malvas
6. Lembranzas do Vello Oeste da Asociación Cultural Lembranzas de Guillarei
7. Luces de Tomiño da Asociación Cultural Comparsa “Luces de Tomiño”

Premio Acompañamento Musical

1. Cantos somos....Citania Tudense
2. Deuses e Mitos na Antiga Grecia da Sociedade Cultural Atlántida de Matamá

Premio Fantasía

1. Fantasía do Carnaval da Asociación Cultural “Virxe da Fonte da Franqueira” da Cañiza