Mañá xoves Concerto de Nadal do Conservatorio Profesional e da Escola de Música do Concello de Tui
19/12/2012
O vindeiro xoves 20 de Decembro, ás 20:00h celebrarase o Concerto de Nadal a cargo da Escola de Música Municipal e do Conservatorio Profesional de Música de Tui no Teatro Municipal da Área Panorámica.
A entrada é gratuíta, e pode retirarse na billeteira do propio Teatro Municipal a partires das 19,00 horas do propio xoves. O aforo é limitado.
Ó mesmo tempo, unha hora antes poderanse recoller os boletíns de notas dos alumnos deste Primeiro Trimestre.
A concelleira de educación e cultura do Concello de Tui, Vanesa Rodríguez Pereira, convida a todos os veciños e aos afeccionados á música a participar nesta xa tradicional cita que nos deleitará a todos os asistentes.