Até o 19 de outubro consulta do censo electoral para as eleccións do 29N
Do 12 ao 19 de outubro as persoas electoras poden consultar os seus datos de inscrición no censo electoral que estará vixente nas elección xerais convocadas para o 29 de novembro.
É de especial interese a consulta dos datos por parte das persoas que veñen de cumprir 18 anos e aquelas que mudaron de domicilio recentemente, para comprobar que os seus datos figura correctamente.
A consulta realizarase por medios informáticos, previa identificación da persoa interesada con DNI, pasaporte ou permiso de conducir.
Para ampliar a información e para realizar a consulta de inscrición no Censo Electoral polos propios electores e electoras de maneira telemática, poden acceder á páxina web do INE (https://sede.ine.gob.es/tramite/censo_electoral/).
Así mesmo, infórmase que durante o citado período publicarase no Taboleiro da Sede Electrónica do Concello de Tui (https://concellotui.sedelectronica.gal/) a relación de seccións censuais cos locais e mesas electorais correspondentes a cada unha delas, que se utilizarán nas Eleccións Xerais do 29 de novembro, e que se publicarán no Boletín Oficial da Provincia o vindeiro 12 de outubro de 2026. Teléfono de consulta no Concello de Tui: 986 60 36 25, en horario de 9:00h a 14:00h. Teléfono de información da Delegación Provincial da Oficina do Censo Electoral para os electores: 900 343 232.