XXX Festival de Bandas de Música

O venres 22 de agosto, ás 21 h,  a praza de San Fernando acolle o XXX Festival de Bandas de Música organizado pola Banda de Música Popular de Tui. É unha cita xa clásica na programación estival de Tui que brinda cada ano a oportunidade de gozar co son das nosas bandas de música.  Este ano participarán a Banda de Musica de Vila Boa de Quires, a Banda de Música Cultural de Salceda de Caselas, e a Banda de Música Popular de Tui.

Previo ao inicio do festival realizarán un pasarrúas, ás 20.30 h,  dende a Glorieta de Vigo até a praza de San Fernando.