Producións Teatrais Excéntricas con “As desterradas”
O Teatro Municipal de Tui acolle o venres, 14 de marzo, ás 21 h "As Desterradas" da man de Producións Teatrais Exénctricas.
No século XVI, unha pequena comunidade de monxas á beira do Miño vese ameazada pola cobiza da xerarquía eclesiástica. Os señores da Igrexa, para rematar coa resistencia das freiras non dubidan en difamalas e ameazalas por todos os medios, dende o tribunal da Inquisición á violencia das mesnadas señoriais. Carme Varela reconstrúe nun thriller conventual aqueles tempos de resistencia das comunidades de mulleres autosuficientes e poderosas. A vida parece continuar coas súas rutinas de rezos, bordados e melindres, mais a negra sombra da ameaza exterior abátese sobre o convento de Albeos. Carme Varela recibiu por este texto o 25ª premio Álvaro Cunqueiro.
Dirección e escenografía: Quico Cadaval
Autora: Carme Varela
Elenco: Belén Constenla, Melania Cruz, Rocío González, Rebeca Montero, Patricia Vázquez e Víctor Mosqueira
Iluminación: Laura Iturralde
Son: Piti Sanz
Música: Fernando Reyes
Vestiario: Celia Sineiro
Xénero: teatral – drama
Público: +13 anos
Duración: 95 min
Idioma: Galego
Prezos: 10 € - 7,5 €
Hora: 21.00 h