II Aula Internacional de Saxofón
![](https://tui.gal/sites/default/files/styles/large/public/agenda/concello-de-tui-ii-aula-internacional-de-saxofon-cartel.jpg?itok=n992oHf3)
Do 10 ao 13 de xullo no CMUS de Tui
O Conservatorio Profesional de Música de Tui acollerá do 10 ao 13 de xullo a II Aula Internacional de Saxofón organizada polo propio conservatorio e a Asociación Fray Rosendo Salvado. Os profesores este ano serán Rafael Yebra do CMUS Superior de Vigo e Arno Borkamp do CMUS Superior de Amsterdam. De forma paralela a actividade docente están previsto dous concertos dirixidos ao público en xeral na igrexa de San Domingos. O luns 10 ás 20.30h actuarán Rafael Yebra e Arno Borkamp e o xoves 13, tamén ás 20.30h, os alumnos participantes nesta II Aula Internacional de Saxofón. En ambos casos a entrada será de balde até completar o aforamento. Amais o martes 11 de 16 a 20h na biblioteca do Conservatorio poderá visitarse unha exposición de saxofóns da marca Selmer e material Vandoren a cargo de Mafer Música.
Esta II Aula Aberta de Saxofón está patrocinada polo Concello de Tui e conta coa colaboración de Metais Faíscas, Anpa Mestre Martínez Pose, Programal Vending, Ópera Prima, Mafer Música e a Deputación de Pontevedra.