Galitoon con “Facendo o indio"
Galitoon presenta o venres, 7 de marzo, ás 19 h no Teatro Municipal de Tui "Facendo o Indio". É un espectáculo que conta os costumes ancestrais, a forma de vida dos indios americanos e os coñecementos adquiridos xeración tras xeración. É un repaso á cultura das tribus de indios americanos, na que esta tribu dos “Pes Grandes” tenta non extinguirse e loitar contra o seu peor inimigo: eles mesmos.
Os protagonistas, coa axuda do público, veránse realizando accións cotiás, do xeito máis inverosímil..., o que levará a locas e divertidas situacións cheas de risos, accidentes e moi malas decisións.
Galitoon recupera con “Facendo o Indio”, a sua particular visión do teatro de humor xestual, con esta tola e divertida proposta chea de música, situacións absurdas, interacción directa có público, e por suposto, o seu característico selo dos muppets e distintos performances nas suas propostas de teatro familiar.
Guión e dirección: Chisco Casteleiro
Elenco: Chisco Casteleiro e Jona García
Voz en off e Cantantes: Ana Conca, Maria José Peris e Chisco Casteleiro
Escenografía: Galitoon
Iluminación: Chisco Casteleiro
Son: Óscar Rico
Música: Tony Torres e Chisco Casteleiro
Xénero: humor xestual
Público: +2 anos
Duración 60 min
Idioma: Galego
Prezos: 4 € - 3 €
Hora: 19.00 h