Facebook Twitter Vimeo Instagram Youtube

Descobre o Parque Natural Monte Aloia

Data: 
16/07/2024
Lugar: 
Tui

Descubrir o Parque Natural Monte Aloia a través de distintas rutas que terán lugar os martes pola mañá dos meses de xullo e agosto é o obxectivo dunha nova iniciativa que pon en marcha o Concello de Tui, a través da concellería de Turismo, para este verán.

Terá lugar os martes, dos meses de xullo e agosto, ás 10 h sairá dende a Oficina de Turismo, no Paseo da Corredoira.

O tren turístico levará ás persoas participantes até o Parque Natural, onde se realizará unha visita guiada por A Fada do Aloia.

Trátase dunha actividade recomendada para toda a familia a partir dos 3 anos, xa que as rutas a realizar serán de dificultade doada cun percorrido máximo de 2,5 quilómetros. O regreso será de novo en tren turístico até o punto de partida onde a hora prevista de chegada será ás 13 h.

Inscrición

As prazas ofertadas para cada xornada son limitadas. O prezo é de 6€ as persoas adultas e 4€ os nenos e nenas. As persoas interesadas deben inscribirse na Oficina de Turismo, no Paseo da Corredoira, no correo turismo@tui.gal ou no teléfono 677 41 84 05.

Descobre o Parque Natural Monte Aloia

Saída martes ás 10 h dende a Oficina de Turismo

Xullo

  • Martes  2 Miradoiros-Muralla
  • Martes  9 Senda Botánica
  • Martes  16 Muíños do Tripes
  • Martes  23 Poza de Cabanas
  • Martes  30 Muíños do Deique

Agosto

  • Martes 6 Miradores-Muralla
  • Martes 13 Muiños do Deique
  • Martes 20 Muiños do Tripes
  • Martes 27 Poza de Cabanas