Catro Cores con “A trompa non só é cousa de elefantes”
A compañía Catro Cores presentará o venres, 18 de outubro, ás 19 h no Teatro Municipal de Tui “A trompa non só é cousa de elefantes”.
Catro cores é o único cuarteto de trompas de Galicia. Presenta un espectáculo musical e teatral para a primeira infancia, onde aprender e descubrir pouco a pouco a forma e a sonoridade dun instrumento musical: a trompa. As partes deste instrumento están agochadas polo escenario e as catro instrumentistas terán que atopalas para poder facer música con el. Finalmente construirán a trompa e con ela xogarán coas cores e melodías de diferentes pezas musicais nun concerto que estimula o sentido da vista e do ouvido , onde a trompa será a canle para crear diferentes ambientes e movementos inspirados en animais como un paxaro, un felino, o mundo oceánico e como non… un elefante!.
Ficha artística
- Creación do espectáculo: Ana Vergara, Aida Lozano, Mónica García e Alma Sarasola de Catro Cores e Laura Sarasola
- Dirección escénica: Laura Sarasola de Caramuxo Teatro
- Deseño de luces: Dani Pais
- Deseño de vestiario: Laura Sarasola
- Confección do vestiario: Soledad Gómez
Duración_ 35 minutos
Xénero_ música e teatro
Idioma_ galego
Recomendado_ de 1 a 6 anos
Prezos_4€ e 3€