Campamento de Verán de Aventuras - Intelixencias Múltiples
O Concello de Tui organiza un Campamento de Verán de Aventuras de Intelixencias Múltiples que brindará un verán cheo de emoción, diversión e aprendizaxe, onde cada neno e nena descobre e potencia os seus talentos únicos.
No Campamento de Verán de Intelixencias Múltiples, dirixido a nenos e nenas de 3 a 12 anos, vivirán unha experiencia única, chea de aventuras, aprendizaxe e diversión, mentres exploramos e desenvolvemos as distintas intelixencias múltiples nunha contorna segura, estimulante, respectuosa e en contacto coa natureza.
Que son as Intelixencias Múltiples?
As intelixencias múltiples son unha teoría do psicólogo Howard Gardner que identifica diversas formas nas que as persoas aprenden e procesan información. O noso campamento enfócase en desenvolver as oito intelixencias mediante distintas actividades lúdicas:
- Intelixencia Lingüística: contacontos, narración de historias, debates e creación de poemas e lendas. Ademais, unha vez por semana teremos inmersión lingüística en inglés, para practicar este idioma mentres nos divertimos.
- Intelixencia Lóxico-Matemática: scape-room, experimentos científicos e obradoiros de cociña.
- Intelixencia Espacial: obradoiros de arte (pintura, cerámica, Land art, costura…), construcións creativas, xogos de orientación e coñecemento do noso patrimonio natural e etnográfico.
- Intelixencia Musical: obradoiros de música e expresión corporal.
- Intelixencia Corporal: actividades físicas ao aire libre e sendeirismo.
- Intelixencia Interpersoal: asembleas, resolución de problemas, xogos cooperativos e habilidades sociais.
- Intelixencia Intrapersonal: actividades de mindfulness e intelixencia emocional.
- Intelixencia Naturalista: excursións á natureza, observación e coñecemento da fauna e flora autóctona e actividades de horta.
Información do Campamento
- Datas: Do 1 de xullo ao 30 de agosto
- Horario: De luns a venres (agás festivos) de 9:00 a 14:00 h. con opción de horario concilia de 8.00 a 15.00 h.
- Lugar: Alameda de San Domingos e Centro UNED
- Idades: Nenos e nenas de 3 a 12 anos
- Prezo: 30,56€
- Quendas
- 1º Do 1 ao 15 de xullo
- 2º Do 16 ao 31 de xullo
- 3º Do 1 ao 15 de agosto
- 4º Do 19 ao 30 de agosto
Inscrición
- Do venres 14 ao martes 18 de xuño a través da sede electrónica do Concello de Tui ou por rexistro de entrada.