Aberta ao tráfico a praza Manuel Caramés

Esta tarde quedou aberta ao tráfico de vehículos e ao tránsito peonil a praza   Manuel Caramés, no Arrabal.  Concluíron xa os traballos de emerxencia nun inmoble no que se rexistraron desprendementos. O obxectivo das actuacións realizadas foi garantir a seguridade na zona.

O próximo luns, 16 de febreiro,  no mesmo inmoble, levaranse a cabo outros traballos. Por este motivo dende ás 8 h non se poderá estacionar no tramo da rúa Martínez Padín comprendido entre o cruzamento co Piñeiro e a Área de Autocaravanas.