Enrique Cabaleiro González foi investido alcalde de Tui o sábado, 17 de xuño de 2023.
Casa do Concello. Praza do Concello 1. 36.700 Tui
986 60 36 43 | contacto.alcaldia@tui.gal
A Eurocidade Tui- Valença acollerá o próximo martes 8 de abril a 20ª edición da iniciativa “As prazas de Europa”, impulsada pola Comisión Europea, en colaboración co Concello de Tui, a Cámara de Valença e Galicia Suroeste. Esta actividade terá lugar no Paseo da Corredoira en horario de 18 a 20 h, ou en caso de choiva no espazo sociocultural da rúa Camilo José Cela.
A corporación municipal de Tui celebrará este xoves, 28 de marzo, ás 20 h pleno de carácter ordinario. Esta é a orde do día da sesión:
A) PARTE RESOLUTIVA
1. Aprobación da acta da sesión ordinaria celebrada o 6 de febreiro de 2025.
2. Toma de posesión de D. Ernesto Cañedo Sainz do cargo de concelleiro da Corporación Municipal de Tui.
3. Expediente 617/2025. Ditame para aprobación da modificación de créditos 2/2025 -Crédito extraordinario 1/2025.
O Servizo de Electricidade do Concello de Tui comezou a semana pasada a realizar o cambio das luminarias nas farolas nos accesos á cidade dende Rebordáns e Randufe, así coma nas rúas Compostela, Casal Aboy e Maristas no centro urbano.
Dentro da aposta pola mellora da eficiencia enerxética, a loita contra o cambio climático e a protección do medio ambiente o Concello de Tui vai substituír un total de 238 lámpadas de vapor de sodio por luminarias de tecnoloxía led. Deste xeito deixaranse de emitir máis de 51,46 toneladas de C02 a atmosfera e aforraranse 144.000 kWh/ano.
O Concello de Tui reafirma o seu compromiso na loita contra o cambio climático e súmase, un ano máis, á iniciativa global da Hora do Planeta, promovida por WWF. Mañá, sábado 22 de marzo, entre as 20.30 h e as 21.30 h, a iluminación da Catedral de Tui apagarase como xesto simbólico para concienciar sobre a urxencia de actuar fronte ao cambio climático.
Tui é un dos 468 concellos españois que participarán nesta acción, dos que 26 son galegos.
O Concello de Tui vai contratar a 16 persoas ao abeiro do Plan + Provincia 2025 da Deputación de Pontevedra.
As prazas ofertadas serán as seguintes:
O ilustrador tudense Carlos Lago será o autor do cartel anunciador das festas de San Telmo 2025. O Concello de Tui, inmerso xa na preparación do programa festivo deste ano, encargou ao ilustrador tudense o deseño dando continuidade a este iniciativa iniciada o ano pasado con Víctor Aparicio “Coyote” apostar por profesionais tudenses da ilustración e o deseño para crear a imaxe promocional dos festexos patronais.
A Marcha Ultreia 2025 baterá o próximo 6 de abril o seu récord de participantes estando xa preto de 600 persoas inscritas a cinco días do remate da inscrición.
Así se deu a coñecer esta mañá na presentación deste evento deportivo que tivo lugar no espazo sociocultural da rúa Camilo José Cela. Participaron o alcalde, Enrique Cabaleiro, o concelleiro de Deportes, Rafael Estévez, e o coordinador da agrupación HQR e redactor xefe de Deportes do Diario de Pontevedra, David Acevedo.
O próximo martes, 18 de marzo, ás 11.00 horas, no novo espazo sociocultural da rúa Camilo José Cela, terá lugar a presentación da Ultreia 2025, evento deportivo organizado pola Agrupación HQR, en colaboración co Concello de Tui, o Concello de Pontevedra, o Diario de Pontevedra e a Xunta de Galicia. Este ano máis de 500 participantes sairán dende a Catedral de Tui e percorrerán o Camiño Portugués ata Pontevedra.
O Consorcio de Augas do Louro e Aqualia organizan unha xornada de portas abertas con visitas guiadas á EDAR de Guillarei o próximo sábado 22 de marzo con motivo do Día Mundial da Auga.
Esta iniciativa pretende resaltar a importancia da auga como recurso imprescindible para o benestar da sociedade mostrando os procesos de depuración e o conxunto da xestión do ciclo urbano da auga, ademais de sensibilizar sobre o problema da contaminación da auga e concienciar sobre a capacidade persoal de axudar ao medioambiente.
Ao longo das próximas semanas o equipo de goberno de Tui vai manter xuntanzas coa veciñanza de todas as parroquias para coñecer de primeira man as necesidades de cada unha delas e escoitar as preguntas e rogos que poidan formular tanto ao alcalde coma aos membros do equipo de goberno.
A primeira reunión terá lugar mañá xoves, 13 de marzo, ás 20.30 h no local do Sindicato en Malvas. Este venres, 14 de marzo, ás 20.30 h será na casa cultural de Areas.
