Mañá mércores, 25 de xuño, ás 12.30 horas, no salón de plenos do Concello de Tui, terá lugar a presentación oficial do XI Campionato Ibérico de Kung Fu Eurocidade. Esta proba deportiva está organizada polo Club Ximnasia e Auga de Tui, en colaboración coa Eurocidade Tui-Valença e a Federación Galega de Kung Fu. Celebrarase no Pavillón Deportivo Municipal Gustavo Rodríguez, este domingo 29 de xuño, a partir das 10.30 horas.

Música, cultura tradicional, humor, cinema e gastronomía centran a programación cultural para o verán organizada polo Concello de Tui.  Durante os meses de xullo e agosto a cidade acollerá distintos eventos, algúns cunha longa traxectoria, que brindarán tanto a tudenses coma a visitantes unha oferta cultural de calidade, pensada para todos os públicos e en escenarios patrimoniais únicos.

Os xogadores e xogadora do equipo Alevín do Tyde F.C van vivir esta fin de semana unha experiencia única ao participar no Torneo Internacional de Fútbol en Versmold, Alemaña.

Nicolás Abal, Brais Besada, Roi Estévez, Adrián Freiría, Dilan Jesús Gallardo, Roi López, Iker Míguez, Martín Muíños, Nelson José Zambrano, María Pumar, Iván Urgal, Francisco Gutierrez e Jason Bautista viaxan cara Alemaña xunto aos seus adestradores Sergio Aballe e Juan Paramos, o responsable da área social do club, Alejandro Pardo, e o presidente do club, David Domínguez, e as súas familias.

Ramón Amado Yáñez, veciño de Tui, entregou hai uns días ao alcalde de Tui, Enrique Cabaleiro González, un exemplar do libro “Addiciones a la vida de S. Pedro Gonzalez Telmo de la sagrada Orden de los Predicadores, abogado de los navegantes, escritas por el presentado Fray Fernando de Pineda, de la misma orden, hijo y morador del Real Convento de San Pablo de Sevilla, quien escribió, y dió á luz la referida vida. Madrid: En la imprenta de D. Pedro Marin. Año de 1776”.

A corporación municipal de Tui celebra pleno extraordinario o próximo martes 24 ás 20 h. A orde do dia é a seguinte: 

A) PARTE RESOLUTIVA

1. Expediente 2637/2025. Ditame para aprobación do Orzamento xeral 2025.

2. Expediente 1983/2025. Ditame para aprobación inicial da modificación da Relación de Postos de Traballo.

B) ACTIVIDADE DE CONTROL

Non hai asuntos

C) ROGOS E PREGUNTAS

Non hai asuntos

O alcalde de Tui, Enrique Cabaleiro, recibiu onte á tarde na casa do concello á secretaria de Estado de Función Pública, Clara Mapelli Marchena. Na reunión participaron tamén as concelleiras Ana Núñez e Sonsoles Vicente e o concelleiro Rafael Estévez.

A Mancomunidade do Baixo Miño realiza a convocatoria do proceso selectivo para a confección dunha bolsa de traballo para a cobertura temporal que poidan producirse na plantilla de conductores da MIBM que permita cubrir as necesidades temporais de persoal xurdidas, aos efectos de garantir o bo funcionamento do servizo.

O prazo para a presentación de solicitudes é de 10 días hábiles seguintes ao da publicación da convocatoria no Boletín Oficial de Pontevedra, que foi o mércores 11 de xuño de 2025.

Un total de 180 alumnos e alumnas de 6º de sete centro educativos de Tui participarán este venres na Aloiada 2025.  Aínda que inicialmente estaba previsto que esta actividade se desenvolvese durante dous días, xoves e venres, incluíndo a noite no Aloia, debido a previsión meteorolóxica adversa para mañá xoves tivo que suspenderse por seguridade a actividade desta primeira xornada. 

 Tui está presente na exposición exposición Viquingos. Unha ollada desde Galicia realizada polo Museo do Mar, en colaboración coa Fundación Cidade da Cultura. O alcalde de Tui, Enrique Cabaleiro, asistiu onte á tarde á inauguración nun acto participaron o conselleiro de Cultura Lingua e Xuventude, Xosé Lopez, e a titular de Cultura da Junta de Andalucía, Patricia del Pozo que cede diversas pezas  esta mostra.

Maña mércores, 11 de xuño, ás 10 h, no edificio sociocultural da rúa Camilo José Cela, terá lugar a presentación da Aloiada 2025, actividade organizada por sete dos colexios de Tui, en colaboración co Concello de Tui. Celebrarase este xoves 12 e venres 13 de xuño, coa participación de máis de 180 alumnos e alumnas de 6º de Primaria, que estarán acompañados por ao redor de 40 profesores e profesoras dos centros participantes.