Tui recuperou esta mañá progresivamente a normalidade tras dezaseis horas sen subministro eléctrico. Esta mañá todos os servizos municipais estaban xa plenamente operativos e dende o Concello estudase unha nova data para a realización das actividades das Festas de San Telmo que onte á tarde tiveron que ser suspendidas.

A V Gala entrega de Premios Cidade de Tui 2025, organizada polo Concello de Tui, tivo lugar o pasado sábado no Teatro Municipal de Tui.

Os galardoados este ano foron na categoría individual premio ex aequo para os irmáns Manuel e María Teresa 'Marita' Vázquez de la Cruz. Na categoría colectiva o galardón foi para Tuy Salceda Asociación Mutual, Cultural y Recreativa de Bos Aires.

Amais Javier Añoveros Trias de Bes, Javier Sánchez de Dios, e Xosé Martínez Tato recibiron un recoñecemento de forma póstuma.

Avelino González, actor, monologuista e contador de historias, será o pregoeiro das festas de San Telmo 2025. A lectura do pregón terá lugar o sábado, 19 de abril, ás 12.45 h, dende o balcón do edificio situado na praza da Inmaculada. 

O Concello de Tui outorgará os Premios Cidade de Tui 2025 á Sociedad Tuy Salceda. Asociación Mutual, Cultural y Recreativa” de Bos Aires, na categoría colectiva, e a Manuel e María Teresa Vázquez de la Cruz, na individual de forma ex aequo.

O acto de entrega terá lugar o próximo sábado, 19 de abril, ás 18.30 h no Teatro Municipal no primeiro día das Festas de San Telmo.

Tui reivindica o meixón coma produto singular e con gran tradición na cidade dende este venres, 11 de abril, até o luns 28 de abril, luns de San Telmo. Sete establecementos ofrecerán, previa reserva, este prezado produto na Festa do Meixón 2025
Este evento gastronómico foi presentado este mediodía no Mercado de San Antonio por parte do alcalde, Enrique Cabaleiro, a concelleira de Comercio e Turismo, Ana Núñez, os representantes dos sete establecementos participantes, os dous viveiros que subministrarán o produto, Angulas Río Miño e Delicias del Miño, e da adega Quiñóns da Insua. 

O Mercado de San Antonio acollerá o próximo luns, 7 de abril, ás 11 h a presentación da Festa do Meixón. 

Participarán na presentación o alcalde, Enrique Cabaleiro, a concelleira de Comercio e Turismo, Ana Núñez, membros do equipo de goberno, así coma dos sete establecementos participantes da festa, dos viveiros provedores e da adega Quiñóns da Insua.

Tui comezou hoxe a conta atrás para as Festas de San Telmo coa presentación da programación festiva que se vai desenvolver do sábado19 ao luns 28 deste mes de abril. Dez días intensos de actividades culturais, musicais, gastronómicas, deportivas, e festivas pensadas para disfrutar en distintos espazos tanto por parte da veciñanza coma por todas aquelas persoas que visiten o municipio nestas datas.

Gran acollida ao novidoso programa “Coida o corpo” posto en marcha polo Concello de Tui no pasado mes de marzo en todas as parroquias tudenses, tras a experiencia piloto desenvolvida en outono en Guillarei e Ribadelouro.

Dende o pasado mes de marzo 171 persoas participan neste programa “Coida o Corpo” realizado en colaboración con Afaga, a Asociación de Familiares de Enfermos de Alzheimer e outras demencias de Galicia.  94 persoas máis están en lista de agarda, o que reflicte a boa acollida da iniciativa.

Do sábado 19 ao luns 28 deste mes de abril celebraranse as festas patronais na honra a San Telmo en Tui. Mañá venres, 4 de abril, ás 11 h, no espazo sociocultural da rúa Camilo José Cela, presentarase a programación destes festexos. 

Intervirán o alcalde, Enrique Cabaleiro, a concelleira de Cultura, Sonsoles Vicente, a concelleira de Comercio e Turismo, Ana Núñez, o concelleiro de Deportes, Rafael Estévez, xunto a outros membros do goberno municipal, e de agrupacións e artistas que van participar nas festas.

A Catedral de Tui iluminada e os fogos artificiais centran o deseño do cartel anunciador das Festas de San Telmo obra do ilustrador tudense Carlos Lago.

O deseño, que vén de ser presentado, anuncia a celebración das festas patronais de Tui do 19 ao 28 deste mes de abril. O alcalde, Enrique Cabaleiro, e a concelleira de Cultura, Sonsoles Vicente, felicitaron ao autor polo seu traballo que será a imaxe das festas de San Telmo deste 2025.