O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Maña xoves, 23 de xaneiro, ás 12.00 horas, no salón de sesións da casa do concello de Tui, terá lugar a presentación da XL Regata Miño Internacional. Esta proba celebrarase no río Miño, este sábado 25 de xaneiro, organizada polo Club Remo do Miño, en colaboración co Concello de Tui e a Federación Galega de Remo.
O Concello de Tui organiza obradoiros de manexo dos desfibriladores dirixidos aos clubs deportivos. Son impartidos polo médico tudense Rosendo Bugarín, que ensina aos participantes a empregar os desfibriladores e o soporte vital básico.
O pasado sábado, 11 de xaneiro, tivo lugar o primeiro dos cursos, no que participaron seis monitores/adestradores do Tyde F.C. Esta actividade continuará nas próximas semanas.
O Concello de Tui sacou a licitación a explotación da cafetería do Centro Interfederado, situado na rúa Olímpicos Tudenses por un período de dous anos, prorrogables outros dous, cun prazo máximo de duración do contrato de catro anos. O canon mínimo anual será de 4.744,80 euros
O prazo de presentación de ofertas está aberto até este venres, 13 de decembro, ás 14 h no rexistro xeral de entrada do Concello. A apertura da oferta económica terá lugar o próximo martes, 17 de decembro, ás 9.30 h.
Hoxe martes, 26 de novembro, abre o prazo de solicitude das Bolsas a Deportistas Tudenses correspondentes ao ano 2019, que contarán cun orzamento de 10 mil euros. O obxectivo destas bolsas é facilitar aos deportistas tudenses a práctica deportiva e a súa participación nas competicións de máis alto nivel, valorando así a súa especial dedicación ao deporte, e á súa vez á difusión que realizan da cidade de Tui nos eventos deportivos de carácter internacional nos que participan.
O Concello de Tui vén de abrir o prazo de presentación de candidaturas para a Gala do Deporte Tudense 2019. A oitava edición deste evento terá lugar o venres, 28 de febreiro, ás 20.30 horas, no Teatro Municipal de Tui.
O Concello de Tui vén de facer efectivas as bolsas a sete deportistas tudenses correspondentes ao ano 2018 que suman en conxunto 6.400 €. Esta axuda económica concédese tras a consecución de resultados a nivel internacional tanto coa selección nacional coma cos seus clubs.
Os responsables de dous clubs deportivos tudenses, Pablo García do Club de Tenis Tui e Juan Carlos Feijoo e Miguel de la Calle do Club de Padel8, entregaron esta mañá á Biblioteca Municipal de Tui un amplo lotes de pelotas usadas que serán reutilizadas polo centro bibliotecario para contribuír substancialmente ao mantemento do ambiente de silencio, tan característico na biblioteca, ao evitar o ruído xerado polo arrastres das cadeiras que, de modo involuntario, realizan os usuarios cando acceden ou abandonan o seu posto de lectura.
Onte martes, 5 de novembro, celebrouse na sala de concelleiros da Casa do Concello de Tui, a primeira das reunións de planificación do proxecto “Aloiada 2020”. Nesta actividade organizada polos oitos colexios de Tui, en colaboración co Concello de Tui, ao longo de dous días, os rapaces e rapazas de 6º de Primaria de Tui, participan en diferentes actividades no medio natural, tanto no Parque Natural do Monte Aloia e no Monte Galiñeiro, como no río Miño.
O próximo luns, 28 de outubro, a partir das 22.00 horas, terá lugar a saída do concurso de patrullas das Forzas Armadas Españolas, que realizarán o Camiño Portugués de Santiago. Será dende o aparcamento dos centros municipais de remo e piragüismo de Tui, situados na rúa Olímpicos Tudenses, ao carón do río Miño,
Esta fin de semana son varias as citas de lecer e deportivas que se celebran en Tui nas que colabora o Concello de Tui.
No eido musical, como celebración dos Días Europeos do Camiño de Santiago, temos unha dobre proposta. Mañá sábado, ás 18 h, na Catedral de Tui poderanse escoitar distintas composicións inspiradas no Camiño de Santiago, escritas por compositores e compositoras galegos e portugueses. Será no concerto “Música en Camiño” organizado pola CEER, a Rede de Universidades da Eurorrexión Galicia-Norte de Portugal.
