Pronóstico de Tutiempo.net
Facebook Twitter Vimeo

Centro Municipal de Formación

Centro Municipal de Formación
Alvelos 1, Guillarei. 36.720 Tui.
Teléfono 986 60 39 49 | Móbil 670 24 56 33 | Fax 986 60 18 59
Correo: cfo@tui.gal

O Centro Municipal de Formación está situado en Guillarei nunha nave municipal na que en dous andares se distribúen as oficinas, aulas e talleres. 

Instalacións

O Centro dispón de 6 aulas homologadas, unha delas destinada a clases de informática; unha aula multifuncional, biblioteca, 5 espazos destinados a talleres de carpintería, electricidade, fontanería, construción; e dúas zonas de almacenaxe. Conta con aseos adaptados e elevador. O centro está equipado con instalacións fotovoltaicas que serven enerxía eléctrica a unha parte das instalacións.

Obxectivo

O seu obxectivo é  levar a cabo o labor social relacionada coa formación do Concello de Tui. A súa actividade vai dirixida tanto á poboación en xeral coma para os traballadores públicos.

Unha das súas liñas de acción é a busca de recursos para ofertar formación en diferentes especialidades e a diferentes grupos de poboación, tanto persoas non ocupadas coma traballadores en activo, traballadores das administracións públicas, poboación en risco de exclusión social, discapacitados, etc.. A esta súmase o servizo de información, orientación e busca de emprego financiado pola Xunta de Galicia e o Fondo Social Europeo.

Homologación

O Centro de Formación está homologado pola Xunta de Galicia para a prestación de formación nas seguintes especialidades:

  • Enerxías renovables
    • o montaxe e mantemento de instalacións solares fotovoltaicas
  • Electricidade
    • O operacións auxiliares de montaxe de redes eléctricas
  • Madeira
    • Montaxe de mobles e elementos de carpintería
    • Instalación de mobles
    • Instalación de elementos de carpintería
  • Instalacións
    • Operacións de fontanería e calefacción climatización doméstica
  • Comunicación
    • Axudante de documentación de medios de comunicación
  • Turismo
    • Venda de servizos e produtos turísticos
    • Azafata auxiliar de congresos
  • Reformas
    • Colocador de prefabricados lixeiros
    • Colocador de paneis de cartón xeso e similares

Actividades

  • Servizo de información, orientación e busca de emprego financiado pola Xunta de Galicia e o Fondo Social Europeo.
    • Publicación nos taboleiros do propio centro, na web municipal e nas redes sociais de información e orientación tanto para a busca de emprego como busca de formación
  • Cursos de formación ocupacional nas áreas para as que conta con aulas homologadas
  • Probas de selección de persoal para o Concello, cando se precisa un espazo amplo ou o uso de varios ordenadores
  • Cursos de Riscos Laborais para persoal municipal
  • Aulas para estranxeiros
  • Cursos promovidos por asociacións
  • Cursos para persoal das administracións públicas promovidos pola Deputación Provincial

Máis de 1.100 usuarios ao ano. Retorno das actividades desenvolvidas en instalacións públicas.

É indiscutible a importancia do labor social que se realiza dende o Centro Municipal de Formación ofertando con carácter gratuíto unha ampla relación de cursos. De media os alumnos destas actividades formativas acoden a estas instalacións en períodos que oscilan entre os 3 e os 9 meses. A estes usuarios súmanse os que acoden citados polo Servizo de Orientación ou aqueles que se achegan demandando información, polo que ao longo do ano pasan polo centro máis de 1.100 persoas.

A realización de prácticas por parte do alumnado das distintas accións formativas levadas a cabo redundan positivamente nas instalacións públicas de titularidade municipal, xa que na meirande parte dos casos esas prácticas conlevan actuacións en dependencias, servizos ou equipamento, polo que amais da formación do alumnado se consegue tamén unha mellora de instalacións ou servizos polo que este labor deixa tamén a súa pegada na rúa.