Un teatro municipal repleto aplaudiu onte á noite os éxitos do deporte tudense na XII Gala do Deporte Tudense celebrada co lema “O invisible tamén conta”.

O Concello de Tui quixo así render homenaxe e pór en valor todo e a todos os que sosteñen o deporte tudense demostrando que “o camiño compartido é a base”. A escenografía, con alpacas, espellos e luces, evocaba o terreo onde nace o deporte, o reflexo de todas as persoas que aportan de seu, e as festas populares nas que deporte está tamén presente.

Tui comeza mañá venres un novo Camiño de Nadal, un itinerario de luz, tradición e ilusión compartida que, até o 6 de xaneiro, transformará a cidade cunha coidada decoración, iluminación, e unha programación ampla e diversa para todas as idades.

Todo preparado na Eurocidade Tui-Valença para recibir este sábado ás máis de 700 persoas que van participar nunha proba única que sorprende cada ano como é a Urban Trail Night Eurocidade que celebrará a súa novena edición. 

Este mediodía o alcalde de Tui, Enrique Cabaleiro, o concelleiro de Deportes de Tui, Rafael Estévez, o vereador de Desporto de Valença, Óscar Silva, o xefe territorial de Deportes da Xunta, Daniel Benavides, e os organizadores, Serafín Martínez e Justi Peixoto, deron a coñecer todos os detalles deste evento deportivo.

Maña mércores 26, ás 12.00 horas, no Espazo Sociocultura da rúa Camilo José Cela, terá lugar a presentación da IX Urban Trail Night Eurocidade, proba deportiva incluída dentro do Calendario Deportivo da Eurocidade 2025. Está organizada polas empresas NOKO 360 e Sra Emilia, en colaboración coa Eurocidade Tui-Valença. A IX Urban Trail Night Eurocidade celebrarase este sábado 29, con saída ás 19.30 horas españolas, dende Valença e chegada ao Paseo da Corredoira de Tui.

O luns 1 de decembro abrirá o prazo de inscrición para participar na IV San Silvestre Solidaria Tudense que terá lugar o mércores 31 de decembro, a partir das 10.30 horas, dende o Paseo da Corredoira de Tui. Está organizada polo Concello de Tui e o Club Atletismo Tui, coa colaboración da Policía Local de Tui, Protección Civil de Tui, Radio Municipal de Tui e de numerosas empresas tudenses,

Cumbia, cha-cha-cha, valses, fox-trot, tango… serán algúns dos bailes protagonistas ao longo desta fin de semana en Tui coa celebración do XI Trofeo de Baile Deportivo da Eurocidade Tui-Valença que vai reunir a máis de 600 bailaríns e bailarinas nas distintas modalidades.

Os e as participantes chegarán dende distintos puntos de Galicia e de España coma Mallorca, Extremadura, Cantabria, Canarias, ou Madrid, e tamén de Portugal, mesmo dende Madeira para competir nas distintas probas previstas en dúas xornadas maratonianas o sábado dende ás 10 h e o domingo dende ás 8 h.

Mañá mércores 29 de outubro, ás 12.00 h, no edificio multiusos da rúa Camilo José Cela, terá lugar a presentación do XI Trofeo de Baile Deportivo Eurocidade, proba que forma parte do Circuíto Ibérico de Baile Deportivo, organizada pola Escola de Baile Pasos Galicia, en colaboración coa Eurocidade Tui-Valença e as Federacións Española, Galega e Portuguesa de Baile Deportivo. Celebrarase este sábado 1 e domingo 2 de novembro, no Pavillón Deportivo Municipal Gustavo Rodríguez de Tui.

O Concello de Tui, na súa aposta polo deporte, incrementou até os 15 mil euros a partida destinada á concesión de becas a deportistas tudense que teñan participado en competicións federadas de ámbito internacional.  Tendo en conta o alto número de deportistas solicitantes en ano anteriores a partida destinada a estas becas sobe en 5 mil euros, ao pasar dos 10 mil destinados a este fin en 2024, aos 15 mil deste ano 2025.

A organización da IV San Silvestre Solidaria Tudense reuniuse esta mañá para planificar a proba deportiva que se celebrará o mércores 31 de decembro, a partir das 10.30 horas. Agardan superar a cifra de participantes da edición pasada, na que máis de 1.900 persoas celebraron o fin de ano de xeito deportivo, festivo e solidario, sendo as doazóns a favor da Asociación Española Contra o Cancro.

O Concello de Tui vén de abrir o prazo de recepción de candidaturas para os Premios Deporte Tudense 2025 que se entregarán na Gala do Deporte Tudense. Este evento celebrarase o venres 28 de novembro, a partir das 20.00 horas, no Teatro Municipal de Tui.