Pronóstico de Tutiempo.net
Facebook Twitter Vimeo

O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.

Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.

A Selección Uruguaia de Remo rematou en Tui a súa concentración para preparar a regata clasificatoria para Tokio 2021

Undefined

A Selección Uruguaia de Remo rematou hai uns días a súa concentración en Tui, onde estiveron dende o pasado mes de agosto no CETD de Remo de Tui. Previa á viaxe ao seu país de orixe foron despedidos polo concelleiro de Deportes, Rafael Estévez, desexándolles moitos éxitos nas súas carreiras deportivas. 

Recepción no Concello de Tui a David Fernández, Campión de España de Junior de BTT Enduro

Undefined

Mañá venres, ás 11.00 horas, na casa do Concello de Tui, se realizará a recepción ao deportista tudense David Fernández Pérez, actual Campión de España Junior de BTT Enduro, éxito acadado no Campionato de España de Enduro BTT, celebrado en Castejón de SOS, o día 13 de setembro. Tamén asistirá André Martínez, deportista tudense que participou no Campionato de España de BTT DH, o pasado fin de semana en Granada.

Presentación do Campionato de España de Radio Control Térmico

Undefined

Mañá xoves, 3 de setembro, ás 11.00 horas, na sala de concelleiros do Concello de Tui, terá lugar a presentación do Campionato de España de Radio Control Térmico, que se celebrará no Río Miño, este sábado 5 e domingo 6 de setembro. Está organizado pola Federación Galega de Motonáutica, en colaboración co Concello de Tui.

As instalación municipais de tenis en Areas contan agora con tres pistas dobres

Undefined

Está mañá tivo lugar a reapertura oficial das pistas municipais de Tenis situadas en Areas tras as obras de remodelación realizadas, que supuxeron un investimento de 53.095,22€ con cargo ao Plan Concellos. 
O alcalde de Tui, Enrique Cabaleiro, destacou que con esta actuación dáse cumprimento a unha vella demanda do Club Tenis Tui en canto á mellora das instalacións. Avanzou tamén que o gran reto de cara ao futuro é a execución dunha área multideporte nun emprazamento axeitado. 

A Selección Uruguaia de Remo prepara en Tui a regata clasificatoria para Tokio 2021

Undefined

A Selección Uruguaia de Remo está concentrada até o mes de outubro no CETD de Remo de Tui. Está mañá foron recibidos na casa do concello polo alcalde, Enrique Cabaleiro, o concelleiro de Deportes, Rafael Estévez, e representantes dos cinco grupos presentes na corporación municipal: Jose Ramón Magán do PSOE, José Ángel Fernández do PP, Pilar Besada de C’s, José Martínez Tato do BNG, José Manuel Palacín de C21 e Laureano Alonso de En Marea.  Estivo tamén presente Manuel Ángel González, presidente do Club Remo do Miño, e Jesús González, remeiro tudense do Remo do Miño. 

A selección uruguaia de remo concéntrase dende o luns no Centro Especializado de Tecnificación Deportiva de Remo e Piragüismo en Tui

Undefined

A partir do luns, 17 de agosto, o Centro Especializado de Tecnificación Deportiva de Piragüismo e Remo de Tui acollerá a concentración da Selección Nacional Uruguaia de remo, composta por seis deportistas e un adestrador. Permanecerán nestas instalacións ata o 12 de outubro, preparando a regata preolímpica clasificatoria para Tokio 2021. O río Miño, as instalacións de Tui e o alto nivel dos deportistas tudenses, fixeron que a Federación Uruguaia de Remo escollera esta opción, segundo explica o concelleiro de Deportes, Rafael Estévez. 

O Concello de Tui prepara as instalacións deportivas municipais para o inicio da temporada

Undefined

O Concello de Tui ven realizando distintas labores de mantemento nas instalacións deportivas municipais pese a que o inicio da temporada dos deportes de equipo non está clara, debido a pandemia da Covid-19.

A semana pasada, unha empresa especializada, realizou o mantemento nos campos de céspede sintético de “O Foxo” de Caldelas, “Santa Columba” de Ribadelouro e no “Álvarez Durán” de Tui. Os labores consistiron na limpeza da superficie, aireación do revestimento, descompactación do caucho, pegado de xuntas e cepillado do céspede.

Pages

Subscribe to RSS - Deportes