Mañá martes, 7 de novembro, ás 11 h na casa do concello terá lugar a presentación da “Xornada Francisco Sánchez no IV Centenario da súa morte” organizada polo Consello da Cultura Galega e o Concello de Tui. Este evento celebrarase en Tui o martes, 14 de novembro.

A presentación correrá a cargo do alcalde de Tui, Enrique Cabaleiro, da concelleira de Cultura e Ensino, Sonsoles Vicente, do secretario do Consello da Cultura Galega, Silvestre Gómez Xurxo, e do director do coro Vox Stellae, Luís Martínez.

Dende hoxe venres, 3 de novembro, a Sala Municipal de Exposición do Concello de Tui acolle unha exposición dedicada á figura do egrexio médico e filósofo tudense Francisco Sánchez, coincidindo co cuarto centenario do seu falecemento, o 16 de novembro de 1623, na cidade francesa de Tolosa.

O Concello de Tui continúa coa súa aposta, iniciada hai xa anos, de apoiar o acceso aos estudos de ensinanzas musicais, nos centros municipais, ao alumnado pertencente a familias cun baixo nivel de ingresos, facilitando así que poidan cursar estes estudos ben no Conservatorio Municipal ou na Escola de Música.

Os requisitos a cumprir son que a unidade familiar non supere 3 veces o IPREM, que o alumno ou alumna estea matriculada no Conservatorio Profesional ou na Escola de Música, e empadroada en Tui.

Uxía Lambona e a Banda Molona presentan esta venres, ás 19.30 h, no Teatro Municipal de Tui o seu novo espectáculo musical “Un soño é…” dentro da programación de outono organizada polo Concello de Tui, a través da concellería de Cultura.

A concellería de Ensino, Cultura e Mocidade do Concello de Tui convoca  unha nova edición do Concurso de Debuxo Escolar para a elección da postal de Nadal do Concello de Tui para este ano 2023. Este certame vai dirixido ao alumnado de Primaria dos centros educativos do municipio. As bases desta convocatoria veñen publicadas hoxe no Boletín Oficial da Provincia de Pontevedra.

O clásico de Prokofiev “Pedro e o lobo” chega este venres, ás 19.30 h, ao Teatro Municipal de Tui da man de Fantoches Baj. A compañía nesta nova posta en escena combina o relato do narrador, coa representación das accións que se describen ou evocan na música. Na representación empregan marionetas feitas coa técnica do bunraku, con manipulación á vista, co que ao longo do espectáculo se alternan as funcións de narrador e de actor.

actividade  da campaña “Toponimízate. Falámosche dos nomes da túa terra”. ‘É unha iniciativa de divulgación da toponimia galega, coordinada pola RAG, Real Academia Galega,  en colaboración coa Xunta de Galicia, o Concello de Tui e a Asociación Cultural Xuntanza de Randufe. Correrá a cargo de Vicente Feijoo, coordinador técnico de Galicia Nomeada e especialista en toponimia do Seminario de Onomástica da RAG.

Mañá martes, 24 de outubro, celébrase o “Día da Biblioteca” e na Biblioteca Municipal tudense haberá, ás 17.30 h,  unha sesión de contacontos dirixido aos seus usuarios máis cativos, entre 0 e 3 anos de idade. Estará a cargo de Charo Pita  co espectáculo “Porco porquiño, ensíname o camiño”. Tamén ao longo da xornada os usuarios da biblioteca serán agasallados con libros, que poderán escoller, procedentes de duplicados, expurgos e doazón da biblioteca. 

O Teatro Municipal de Tui acolle este venres, 20 de outubro, ás 21.30 h a representación de “Unha inimiga do pobo” da man de Talía Teatro dentro da programación de outono.

O próximo martes, 17 de outubro, ás 17.30 h continúan as actividades de “Outubro mes da Biblioteca” cunha nova actividade de animación dirixida a rapazas e rapaces de 3 a 6 anos de idade.

Nesta ocasión estará na Biblioteca Pública Municipal de Tui Tania Justo co seu espectáculo “Cantacontos Kairos” que pretende fomentar a iniciación á lectura dos máis pequenos mediante diferentes historias e melodías buscando a implicación e participación dos nenos e nenas asistentes. É un contido adaptado para todos tipo de rapaces e rapazas e as súas familias.