Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Abertas as inscricións para participar no MUMI 2022

Undefined

Desde hoxe 24 de febreiro todas as persoas interesadas en participar no MUMI 2022 poden inscribirse no encontro a través da web mumimusicas.eu. A convocatoria para candidatar propostas de artistas e bandas galegas e portuguesas permanecerá aberta ata o 31 de marzo, mentres que as inscricións para profesionais estarán abertas até as datas de celebración do evento. En ámbolos dous casos, a participación é gratuíta.

A Orquestra Miramar amenizará o Martes de Entroido en Tui

Undefined

A celebración do Entroido en Tui será musical o próximo martes, 1 de marzo, festivo local na cidade. A Orquestra Miramar actuará na rúa Compostela a partir das 19 h para amenizar unha tarde festiva.

Como xa se ten informado este ano, debido á covid, e tras as reunións mantidas coas comparsas participantes noutras edicións, non se levará a cabo do tradicional desfile de Entroido. Dende o concello anímase, aínda así, á veciñanza a gozar deste festexo, a disfrazarse e a gozar do espectáculo da orquestra Miramar, tendo en conta as medidas de seguridade fronte á covid.

A Eurocidade Tui-Valença acollerá a terceira edición do MUMI do 29 de setembro ao 1 de outubro

Undefined

O MUMI 2022 conectará ás industrias musicais galega e portuguesa na Eurocidade Tui-Valença en setembro. Celebrarase do 29 de setembro ao 1 de outubro. Esta mañá presentouse esta terceira edición coa participación do alcalde de Tui, Enrique Cabaleiro González; o presidente e responsable de Cultura da Cámara Municipal de Valença, Jose Manuel Carpinteira; a concelleira de Cultura de Tui, Sonsoles Vicente; o xefe territorial da Xunta en Pontevedra, César Pérez Ares; e representando á organización do MUMI, Diana Martins e Manuel Vicente Roxo.

Convocado o concurso para elixir o cartel anunciador das Festas de San Telmo 2022

Undefined

O Concello de Tui vén de convocar o concurso para elixir o cartel anunciador das Festas de San Telmo 2022, que se van celebrar do 16 ao 25 de abril. Así foi aprobado pola Xunta de Goberno Local do pasado 11 de febreiro, recolléndose un extracto desta convocatoria e as súas bases no Boletín Oficial da Provincia de Pontevedra do día de hoxe, luns 21 de febreiro.

O Concello de Tui súmase este 23 de febreiro á celebración do Día de Rosalía con diversas iniciativas en lembranza da nosa poeta máis universal

Undefined

O Concello de Tui, a través da concellería de Cultura, promove a conmemoración o vindeiro mércores, 23 de febreiro, do “Día de Rosalía” data na que se conmemora o 185 aniversario do nacemento da escritora máis representativa e reivindicativa de Galicia pola súa defensa do pobo e da lingua. O seu libro Cantares Gallegos sinala o inicio da restauración do uso escrito da nosa lingua e o final dos Séculos Escuros de silencio e esquecemento. A súa obra é un retrato do pobo galego e goza dunha total actualidade.

Este venres o Teatro Municipal de Tui acolle a estrea nacional de “As que limpan” de A Panadaría

Undefined

O Teatro Municipal de Tui acolle este venres, 18 de febrero, ás 21 h, a estrea a nivel nacional da obra “As que limpan”. Trátase do novo espectáculo de A Panadaría. A obra prevista inicialmente para o pasado venres día 11 tivo que adiarse unha semana, e chegará este venres ao teatro tudense.

Sobre o escenario estarán Areta Bolado, Noelia Castro e Ailén Kendelman, que non só son as actrices deste espectáculo senón tamén as autoras e directoras desta peza teatral. Canda elas está un equipo técnico formado integramente por muller.

A música tende unha nova ponte entre Tui e Valença coa Orquestra da Eurocidade

Undefined

A orquestra da Eurocidade estreouse onte á noite no concerto co que se pecharon as conmemoracións do décimo aniversario da Eurocidade Tui-Valença. Un evento musical no que a música tendeu novas pontes entre as dúas cidades.

Interpretaron “Alborada Galega” e “Este linho é mourisco” pechando o concerto co “Himno de Europa”.

Música sen fronteiras para celebrar o 10 aniversario da Eurocidade Tui-Valença

Undefined

As orquestras dos dous centros de ensinanza musical da Eurocidade Tui-Valença,  o Conservatorio Profesional e a Escola de Música de Tui, e a da Academia de Música da Fortaleza de Valença ofrecerán mañá sábado, 12 de febreiro, ás 20 h no Teatro Municipal de Tui o concerto de clausura da conmemoración do décimo aniversario da Eurocidade Tui-Valença.

Precisamente estes dous centros, o  Conservatorio de Tui e a Academia de Música de Valença, reflicten no seu alumnado esas relacións a unha e outra beira do Miño xa que contan tanto con alumnos e alumnas galegos e portugueses.

Adiada para o venres 18 a estrea de “As que limpan” de A Panadaría

Undefined

A estrea da obra “As que limpan” de A Panadaría Teatro prevista inicialmente para este venres, 11 de febreiro, vén de ser adiada para o venres 18 deste mes debido a problemas de saúde das actrices da compañía. 

Debido a este cambio o concello de Tui procederá, nos próximos días, á devolución automática dos importes das entradas vendidas até o momento, máis de 300, e a próxima semana volverá abrirse, a partir do luns 14 ás 14 h  a venda para a nova data desta obra.

A N-551 en Areas poderá converterse en tramo urbano o que permitirá a construción de empresas, espazos comerciais e vivendas

Undefined

O Concello de Tui considera de vital importancia o cambio na delimitación como tramo urbano da N-551 en Areas o que convertera este treito de estrada en zona urbana, e permitirá o crecemento do municipio nesta zona coa construción de empresas, espazos comercias e vivendas ao reducirse de 50 a 25 metros a afección. 

Pages

Subscribe to RSS - Cultura