Facebook Twitter Vimeo Instagram Youtube

Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.

Case 230 peregrinos e peregrinas pasaron na fin de semana pola Oficina Municipal de Turismo

Undefined

Un total de 229 peregrinos e peregrinas pasaron durante a fin de semana, entre o venres 31 de marzo e o domingo  2 de abril, pola Oficina Municipal de Turismo do Concello de Tui. Esta cifra supón un incremento do 12,5% con respecto aos números do pasado ano. Nestes días de inicio do período da Semana Santa achegáronse na procura de información a esta Oficina de Turismo tudense un total de 58 peregrinos e peregrinas internacionais procedentes de ata trece países de catro continentes.

A mesa do Camiño Portugués en Tui reuniuse onte para abordar os retos actuais

Undefined

Na tarde de onte tivo lugar unha nova sesión da Mesa do Camiño Portugués en Tui. Nela participaron o alcalde de Tui, Enrique Cabaleiro, a deputada provincial de Turismo, Ana Laura Iglesias, o director de Xestión do Xacobeo da Xunta de Galicia, Ildefonso de la Campa, así como representantes da hostalería, a restauración, as asociacións de amigos do Camiño de Santiago e da Igrexa.

5.500 persoas forma parte do grupo de facebook Camiño Portugués.Tui

Undefined

O grupo “Camiño Portugués. Tui” na rede social Facebook, promovida polo concello de Tui en xullo de 2020, acadou hai uns días a cifra de 5.500 seguidores, un dato que revela o éxito desta iniciativa de promoción da cidade tudense como a porta de entrada dos Camiños Portugueses en Galicia.  Este grupo naceu co obxectivo de cubrir unha das eivas que se detectaban na promoción da ruta xacobea ao seu paso pola cidade e a súa escasa presenza nas redes sociais, especialmente en Facebook, xa que esta rede é a máis empregada no ámbito da peregrinación.

O Concello de Tui recibe case 14 mil euros da Deputación para a dotación de persoal para a realización de tarefas de información na Oficina Municipal de Turismo

Undefined

O Concello de Tui recibiu unha achega da Deputación de Pontevedra para financiar os custos da dotación de persoal para a realización de tarefas de información na Oficina Municipal de Turismo adherida á Rede de Oficinas de Turismo Info Rías Baixas. 

A Oficina Municipal de Turismo, está situada dende o mes de febreiro de 2022, no céntrico Paseo da Corredoira. Contan cunhas instalacións amplas e modernas para atención de visitantes, turistas e peregrinos. O seu horario de atención ao público é de luns a domingo de 9 a 14 h e de 16 a 19 h. 

O 29 de abril celebrarase a visita "Tui, o outeiro fortificado que quixeron romanos, vikingos e xudeus"

Undefined

Coñecer, amar, valorar e protexer a historia de Galicia. Ese é o principal obxectivo de www.rutasdehistoria.gal, un proxecto patrimonial impulsado polo portal web www.historiadegalicia.gal ao que esta primavera se suman catro rexedores das catro provincias galegas cun único fin: poñer en valor o seu patrimonio local.

Case 500 persoas foron atendidas en febreiro na Oficina Municipal de Turismo

Undefined

Un total de 491 persoas demandaron información durante o pasado mes de febreiro na Oficina Municipal de Turismo do Concello de Tui no céntrico Paseo da Corredoira.  A gran maioría, 407 foron turistas, e  84 peregrinos e peregrinas.

Dos 407 turistas que se achegaron até este punto de información 345 eran de procedencia nacional e 62 chegaron doutros países.

Tui acolleu esta mañá a presentación do proxecto “Kaminos: de Sefarad al nuevo mundo”

Undefined

Tui acolleu esta mañá a presentación do proxecto “Kaminos: de Sefarad al nuevo mundo”, na sala Félix Rodríguez do edificio Francisco Sánchez. Esta presentación foi un foro aberto para contrastar opinións, debater a proposta e comezar a traballar conxuntamente para sacar adiante o proxecto. Tui coma cidade membro da Red de Juderías acolleu este evento organizado en colaboración coa propia Red de Juderías e dos outros dous municipios galegos que forma parte desta asociación coma son Monforte de Lemos e Ribadavia.

O Concello de Tui acolle a presentación en Galicia e Norte do Portugal do proxecto “Kaminos: de Sefarad al nuevo mundo”

Undefined

O próximo mércores, 1 de marzo, celebrarase en Tui unha xornada de presentación do proxecto “Kaminos: De Sefarad al nuevo mundo”, que nace coa vocación de crear catro rutas transfronteirizas en torno ao patrimonio xudeu que compartimos España e Portugal.

O Concello de Tui acollerá esta presentación en colaboración coa Red de Juderías de España e especialmente cos municipios galegos de Monforte de Lemos e Ribadavia, que ao igual que Tui forman parte tamén da Red de Juderías.

A Oficina Municipal de Turismo de Tui atendeu a máis de 500 visitantes no mes de xaneiro

Undefined

A Oficina Municipal de Turismo do Concello de Tui atendeu no pasado mes de xaneiro a un total de 516 visitantes nas súas dependencias no céntrico Paseo da Corredoira. Este número abrangue a un total 70 peregrinos e 446 turistas que se achegaron á nosa cidade ao longo do pasado mes.

A Red de Juderías, da que Tui forma parte, deu a coñecer en FITUR os seus proxectos máis destacados para 2023

Undefined

Tui, xunto aos outros municipios que integran a Red de Juderías de España,  participou a semana pasada no Acto Institucional desta asociación de municipios en FITUR. No mesmo presentáronse algúns dos proxectos máis destacados que a Red de Juderías porá en marcha durante este ano 2023.

O alcalde de Tui, Enrique Cabaleiro González, participou neste encontro que estivo presidido por José Tomei, alcalde de Monforte de Lemos e presidente da Rede de Juderias de España, e contou coa asistencia de representantes institucionais das 21 cidades que conforman a asociación.

Pages

Subscribe to RSS - Turismo