Facebook Twitter Vimeo Instagram Youtube

Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.

O venres 18 realizarase unha nova visita aos muíños do Tripes

Undefined

O venres, 18 de agosto, ás 10 h realizarase unha nova visita guiada aos muíños do río Tripes  dentro da iniciativa “Coñece o noso patrimonio rural: Os Muíños do Tripes” que organiza a Asociación Cultural Muiñeiros do Río Tripes en colaboración co Concello de Tui.

Esta nova actividade organízase ante o éxito de acollida na prevista para este venres, 11 de agosto, para a que as prazas se completaron xa na fin de semana.

A participación nesta actividade é gratuíta pero é preciso inscrición previa en turismo@tui.gal.

A Igrexa de San Domingos centra a nova visita guiada do programa “Coñece o noso patrimonio”

Undefined

Este mércores, 9 de agosto, ás 20.30 h terá lugar a visita “San Domingos, un singular templo entre o gótico e o barroco” a cargo de José Ramón Fernández Fernández, licenciado en Historia da Arte pola Universidade de Santiago de Compostela e acreditado especialista no patrimonio tudense.

Esta actividade forma parte do programa de visitas guiadas a diversos elementos patrimoniais da cidade “Coñece o noso patrimonio” organizada polo Instituto de Estudios Tudenses co obxectivo de facilitar un achegamento a diversos espazos patrimoniais tudenses.

A Igrexa de San Domingos, o exterior da Catedral, o barrio de Riomuíños e as Murallas centrarán as visitas guiadas do mes de agosto

Undefined

A próxima semana proseguen as visitas do programa “Coñece o noso patrimonio” organizadas polo Instituto de Estudios Tudenses coa colaboración da concellería de Patrimonio e Turismo do Concello de Tui.

O obxectivo desta actividade é  realizar un achegamento a diversos espazos patrimoniais da man persoas especialista en distintas ámbitos e pertencentes ao Instituto de Estudos Tudenses.

Tui recuperará a senda do río Caselas pondo en valor este espazo natural e patrimonial

Undefined

O Concello de Tui fai unha aposta decidida pola recuperación das contornas naturais e patrimoniais do municipio.  Nesta liña de traballo vai realizar a recuperación ambiental do río Caselas cunha senda fluvial e a restauración de dous muíños.

Para iso o Concello de Tui asinou un convenio coa Confederación Hidrográfica do Miño Sil, CHMS, para o financiamento, execución e entrega das obras de mellora da accesibilidade e recuperación ambiental do río Caselas en Tui.

Tui da a coñecer o seu patrimonio con visitas guiadas conducidas por especialistas

Undefined

Realizar un achegamento a diversos espazos patrimoniais a través de percorridos guiados dirixidos por especialistas é o obxectivo do programa de visitas “Coñece o noso patrimonio” organizado polo Instituto de Estudios Tudenses, coa colaboración da Concellería de Patrimonio e Turismo do Concello de Tui.

Dende este xoves, 27 de xullo, e até o 25 de agosto desenvolveranse un total de cinco visitas a diversos elementos patrimoniais da nosa cidade.

Tui consolídase coma un dos primeiros puntos de inicio do Camiño de Santiago

Undefined

A cidade de Tui consolida o seu papel protagonista no Camiño de Santiago neste ano 2023. Segundo os datos aportados polo Centro Internacional de Acollida ao Peregrino da Catedral de Santiago ata o pasado 15 de xullo as rutas xacobeas acolleron a un total de 205.950 peregrinos. Os camiños portugueses foron realizados por 66.531 peregrinos, dos que 43.444 optaron polo Camiño Portugués e 23.087 polo Camiño Portugués da Costa. O maior número de peregrinos e peregrinas no que vai ano, 102.333 persoas, practicamente a metade do total, realizaron o Camiño Francés.

Máis de 3.300 persoas demandaron información en maio na Oficina de Turismo de Tui

Undefined

Ao longo do mes de maio a Oficina Municipal de Turismo de Tui recibiu a 3.357 persoas das que 2.019 eran turistas e 1.338 eran peregrinos e peregrinas.

Esta cifra supón un incremento de 644 persoas con respecto ao mesmo período de 2022. O turismo é maioritariamente nacional, mentres que a orixe das persoas que realizan o Camiño Portugués é principalmente internacional.

A Oficina de Turismo recibiu en abril máis de 3.300 visitantes, un 17% máis que o pasado ano

Undefined

A Oficina Municipal de Turismo do Concello de Tui atendeu durante o pasado mes de abril deste ano 2023 un total de 3.363 visitantes, o que supón un incremento do 17,8% con respecto aos datos do pasado.

No desglose de cifras, en total foron atendidos 2.319 turistas dos que 133 eran de procedencia internacional. Portugal encabeza esa listaxe con 47 visitantes o pasado mes de abril, seguida de Francia (13), Estados Unidos (12), Arxentina (10), Alemaña (8), México (7) e Cuba (6).

Pages

Subscribe to RSS - Turismo