Facebook Twitter Vimeo Instagram Youtube

Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.

Renovada a Mesa do Camiño de Santiago en Tui

Undefined

Onte á tarde tivo lugar no Salón de Plenos da Casa do Concello de Tui a renovación da Mesa do Camiño de Santiago en Tui, que fora creada no ano 2019, no mandato da anterior Corporación Municipal. A Mesa do Camiño de Santiago Tui  ten por obxectivo a cooperación entre os axentes públicos e privados implicados na xestión do Camiño de Santiago no municipio.

O alcalde e a concelleira de Turismo promocionan o patrimonio xudeu de Tui en FITUR

Undefined

O alcalde de Tui, Enrique Cabaleiro, e a concelleira de Turismo, Ana María Núñez, teñen realizado no marco da Feira Internacional de Turismo, FITUR),que se desenvolve nestas xornadas en Madrid, diversos encontros para a promoción do legado patrimonial xudeu na nosa cidade a través da Red de Juderías – Caminos de Sefarad no seu stand nesta feira.

Tui lidera o crecemento turístico no sur da provincia

Undefined

O turismo en Tui crece de forma permanente e continuada, avanza na súa internacionalización e na súa desestacionalización segundo todos os indicadores, o que posiciona ao municipio coma destino turístico destacado no sur da provincia. Así se desprende dos datos recollidos do INE, da Oficina do Peregrinos da Catedral de Santiago e da propia Oficina Municipal de Turismo que constatan o espectacular crecemento no número de visitantes en 2023.

Até o 8 de febreiro pódese visitar na oficina de Turismo a mostra fotográfica “Expo Cuir”

Undefined

“Expo Cuir” é o título da exposición que Zoe Vixion presenta até o 8 de febreiro na Oficina Municipal de Turismo de Tui. Na mesma á través da fotografía reflexiona sobre os dereitos humanos, a diversidade e o respecto.

Profesional das artes escénicas, dirección, iluminación con numerosos reportaxes no seu currículo  creou unha nova marca persoal Zoe viXión a través da que coas súas reportaxes busca normalizar a colectivos. Esta mostra, que agora se presenta en Tui, foi realizada no festival Agroguir reflectindo o respecto e a diversidade coma orixe da convivencia.   

Desvío provisional no Camiño de Santiago na Avenida de Portugal

Undefined

Debido ao afundimento rexistrado na estrada na rúa A Barca, por onde transcorre un tramo do Camiño Portugués a Santiago en Tui establécese un desvío provional dende a Avenida de Portugal. 

Así os peregrinos e peregrinas na Avenida de Portugal ao chegar ao cruzamento coa rúa Tenencia deberán seguir pola Avenida de Portugal ate a rúa Martínez Padín, e logo xirar cara a rúa Piñeiro.

O desvío provisional está debidamente sinalizado.

A Catedral de Tui ilumínase este Nadal coma un dos monumentos emblemáticos do Camiño de Santiago

Undefined

A fachada norte da Catedral de Santa María de Tui ilumínase dende hai uns días coa frecha amarela do Camiño de Santiago. Faino dentro da iniciativa “Acende o Camiño de Santiago” coa que a Xunta ilumina este Nadal medio cento de monumentos emblemáticos da Ruta Xacobea até o domingo 8 de xaneiro.

Este programa da continuidade á iniciativa realizada nos últimos anos como unha proposta para poñer en valor os fitos patrimoniais do Camiño de Santiago en Galicia, neste caso o Camiño Portugués, así como para promover o seu potencial turístico.

Este mércores preséntase o libro “Rutas polo pasado xudeu de Galicia” de María Gloria de Antonio

Undefined

Este mércores, 13 de decembro, o Concello de Tui organiza a presentación do libro “Rutas polo pasado xudeu de Galicia” realizado pola investigadora María Gloria de Antonio Rubio.

Este acto terá lugar, ás 19.30 h na Sala Félix Rodríguez González no Edificio “Francisco Sánchez”. No mesmo contarase coa presenza da autora, María Gloria de Antonio,  do representante da editorial Aira, Cesar Lorenzo, e da concellería de Turismo e Patrimonio do Concello de Tui, Ana Mª Núñez.  

Este venres inaugúrase a exposición itinerante “A camelia a flor das galegas e galegos” no Paseo da Corredoira

Undefined

Este venres, 17 de novembro, ás 12.00 h terá lugar a inauguración da exposición itinerante ”A camelia a flor das galegas e galegos” no céntrico Paseo da Corredoira tudense. Ao acto de apertura desta exposición asistirán o alcalde de Tui,  Enrique Cabaleiro, membros da Corporación Municipal, representación da Deputación Provincial e de Turismo “Rías Baixas”, xunto á presidenta da Sociedad Española de la Camelia ,SEC, Carmen Salinero, así como membros de Amigos Tudenses de la Camelia, ATUCA, colaboradora neste evento. 

O Camiño Portugués foi realizado en outubro por 10.308 persoas, das que o 75% eran estranxeiras

Undefined

O pasado mes de outubro de novo os datos de afluencia de peregrinos polo Camiño Portugués acadan cifras altamente positivas con 10.308 persoas que percorreron esta vía xacobea. Esta número consolida ao Camiño Portugués coma segundo itinerario xacobeo logo do Camiño Francés , que contou con 27.304 peregrinos, e moi por diante do Camiño P. da Costa, con 6.948 peregrinos, ou do Camiño Inglés, que acadou 2.497 peregrinos, que ocupan os seguintes postos en presenza de peregrinos.

Pages

Subscribe to RSS - Turismo