Trazar as liñas mestras da ordenación do territorio, e autorizar as actuacións permitidas en cada ámbito son as tarefas básicas do Urbanismo municipal, pero mais aló deste labor fundamental en calquera cidade, o urbanismo busca tamén conseguir que a vida dos cidadáns se desenvolva nun entorno amable e cómodo. Unhas rúas cada vez mais humanizadas, no sentido mais estrito da verba, pensadas, deseñadas e realizadas para o día a día das persoas. O conxunto Histórico de Tui co seu Plan Especial é unha das máximas preocupacións urbanísticas da cidade. Buscar que o casco urbano creza de xeito ordenado e atractivo e que o rural sexa un espazo harmonioso e que conserve o seu patrimonio é misión fundamental do urbanismo municipal.
O Concello de Tui está a mellorar o mobiliario urbano situado ao longo do termo municipal tanto no centro urbano, coma nas parroquias, nos parques infantís, ou nos centro educativos. O investimento a realizar ascende a 25.925,46€ e suporá a colocación de 45 bancos, 25 papeleiras, e 9 fontes.
O Concello de Tui vén de rematar o procedemento de contratación das obras a executar na Travesía de San Domingos. Suporán un investimento de preto de 450 mil euros que serán financiados con cargo ao Plan Concellos 2022-23 da Deputación de Pontevedra.
As obras realizaranse de forma coordinada coas que se están a executar na rúa Antero Rubín, buscando así xerar as menores molestias á veciñanza da zona.
O Concello de Tui avanza no proxecto da área lúdico recreativa de Chans do Carrasco, en Randufe, dando resposta á demanda que durante anos vén expresando a veciñanza. O proxecto fai fincapé na recuperación deste espazo, moi degradado na actualidade, nunha aposta por rehabilitar espazos públicos para a práctica do deporte ao aire libre.
O Concello de Tui recibiu unha subvención por importe de 9.471,15 euros, da Deputación de Pontevedra ao abeiro do Plan Concellos 2022 con destino ao financiamento do “Subministro de luminarias para substitución das VSAP por tecnoloxia LED en camiños rurais”.
En concreto o Concello de Tui con esta achega procedeu á adquisición de 70 Luminaria Prilux Versa 36w 24 Led
Como cada ano, con motivo da celebración do Día de Todos os Santos, o Concello de Tui acondiciona o cemiterio municipal, un lugar que nestes días recibe a familiares, amizades e visitantes.
Así, os traballos de acondicionamento consistiron na limpeza de nichos e tumbas, na colocación de flores e no saneamento dos camiños de terra. Porén, este ano as actuacións de limpeza víronse afectadas polas adversas condición meteorolóxicas, con choiva e vento que imposibilitaron a normal realización dos traballos.
O Ministerio de Transportes, Movilidad y Agenda Urbana, Mitma, adxudicou as obras de adecuación e mellora da seguridade vial na Avenida de Portugal nun tramo de 400 metros na N-551 entre o cruzamento coa N-550 (intersección do Parador) até a vella Ponte Internacional.
As obras foron adxudicadas por importe de 532.870 euros e consistirán na mellora da seguridade vial e estética desta Avenida, entrada a España dende Portugal, Camiño de Santiago e acceso á cidade.
O edificio municipal situado na rúa Camilo José Cela, a carón do xulgado e a poucos metros do céntrico paseo da Corredoira, vai ser completamente rehabilitado mellorando substancialmente a súa eficiencia enerxética e a súa estética para destinalo a usos múltiples.
O próximo luns, 24 de outubro, comezan as obras de execución do proxecto de humanización das rúas Antero Rubín e Coengo Valiño, tras as catas arqueolóxicas realizadas ao longo das últimas semanas. A actuación prevista comprenderá dende a intersección entre Antero Rubín e a rúa Bispo Lago até Coengo Valiño coa súa travesía, ao longo de 300 metros e cunha superficie de actuación de case 2.500 metros cadrados. O investimento previsto ascende a case 900 mil euros e o prazo de execución será de 7 meses.
Antes de finais de ano está previsto o inicio das obras nas rúas Augusto González Besada e Lugo dentro do proceso de transformación do centro urbano tudense cara unha mobilidade amable coas persoas, mellorando a accesibilidade e a estética. Estás actuacións están tamén en liña cos obxectivos fixados no Plan de Acción da Axenda Urbana e coa Axenda 2030.
O Concello de Tui quere facer un chamamento á responsabilidade cidadá e ao civismo tras os actos vandálicos que se están a rexistrar en distintos puntos do municipio, e que provocaron danos no mobiliario urbano.
