A Oficina de Rehabilitación do Concello de Tui traballa estes días na redacción da memoria xustificativa da achega de 71.778€ que lle foi concedida a Concello de Tui dentro da prórroga do Plan Estatal 2013-2016 para Áreas de Rehabilitación Integral.

Este investimento terá por obxectivo a realización da obras de conservación, habitabilidade e accesibilidade en inmobles destinados a vivendas situados no conxunto histórico, San Domingos e San Bartolomeu  que deberán estar concluídas antes de decembro de 2018.

Dende comezos deste mes de xullo está en funcionamento no Concello de Tui a Oficina de Rehabilitación dependente da Concellería de Patrimonio. O seu obxectivo promover a rehabilitación do núcleo histórico, tanto na súa dimensión física como na revitalización social, económica e cultural.  Para iso ofrécese información sobre as distintas liñas de axudas ou subvencións existentes en cada momento, e asesórase aos interesados, tanto veciños do conxunto histórico coma doutras zonas da cidade, na presentación da correspondente solicitude.

Esta é a última fin de semana da fase de proba do Plan de Peonalización do conxunto histórico de Tui que se puxo en marcha o 2 de xuño. Nesta primeira fase aplícase dende os venres ás 16h até os luns ás 8h. A peonalización pasará a ser definitiva a partir do venres 30 de xuño ás 16h, segundo avanzou a concelleira de Patrimonio, Carmen Núñez.

Dende mañá sábado 1 de xullo o Paseo da Corredoira, no tramo comprendido entre o cruzamento coa rúa Rosa Bahamonde e os soportais pasará a ser peonil dende o sábados ás 00h ata os domingos ás 23.59h durante os meses de xullo e agosto. Deste xeito na época estival búscase ofrecer aos cidadáns e visitantes un espazo de paseo, de convivencia, no que amais os nenos poderán xogar, e disfrutar ao aire libre.

O Concello de Tui vai mellorar a pavimentación do camiño rural que une as parroquias de Guillarei e Paramos con acceso ao Monte das Penizas. O investimento ascenderá a preto de 60 mil euros dos que 50 mil son aportados pola Xunta de Galicia a abeiro de Plan Marco, Plan  de mellora de camiños  municipais  2017 -2018.

Segundo o proxecto a actuación a realizar será a pavimentación do vial que da acceso ao monte das Penizas e une as parroquias de Guillarei e Paramos, homoxeneizando o pavimento e mellorando a seguridade vial nunha superficie de 2905 m2.

O Concello de Tui está a realizar estes días a reposición e colocación de novos sinais de tráfico tanto no casco urbano coma nos viais parroquias co obxectivo de mellorar a seguridade vial, e o tempo dar resposta a unha vella demanda dos veciños.

O persoal do departamento de Obras do Concello de Tui asistiu no día de onte a unha xornada de formación no uso de plataformas elevadoras organizada pola concellería de Persoal en colaboración coa Autoescuela San Telmo.

Grazas a esta actividade formativa os empregados municipais puideron mellorar o actualizar os seus coñecementos no uso deste tipo de plataformas así coma nas medidas de seguridade que teñen que adoptar cando as empregan.

O concello de Tui vén de instalar seis composteiros comunitarios dentro do compromiso municipal de reducir drasticamente a porcentaxe de residuos. En concreto, os seis novos composteiros comunitarios, ao abeiro do Plan Revitaliza da Deputación de Pontevedra, están situados no cruzamento entre a Avenida de Portugal e o camiño do Parador (xunto á gasolineira).

Mañá martes, 31 de xaneiro, procederase a realizar un corte de tráfico na rúa San Telmo debido á necesidade de realizar obras. O corte realizarase dende ás 8h e prolongarase, salvo imprevistos, ao longo da xornada. 

O próximo luns, 30 de xaneiro, ás 19h no salón de sesións da casa do concello de Tui terá lugar unha reunión informativa sobre a “Modificación puntual do Plan Xeral de Ordenación Municipal no ámbito dos sectores sub2A e SU2B” en Ribadelouro. Asistirán o equipo redactor desta modificación do planeamento para resolver as cuestións técnicas e urbanísticas que poidan plantexar os interesados.