O Concello de Tui dentro do seu obxectivo por lograr unha igualdade real e efectiva está a elaborar o IV Plan de Igualdade Municipal. Para coñecer como se vive e se percibe por parte da veciñanza a igualdade e os avances logrados no últimos anos, vén de abrirse unha enquisa en liña para coñecer precisamente esa percepción, e en base aos datos obtidos marcar liñas de acción para os próximos anos. 

O próximo luns, 13 de outubro, o club de lectura feminista de Tui “Tempo de Mulleres” inicia unha nova temporada.  O único club de lectura feminista da contorna elixiu precisamente para retomar a actividade esta xornada na que se celebra o Día das Escritoras, que se celebra o luns máis próximo ao 15 de outubro, data do pasamento de Santa Teresa de Jesús. Esta efeméride busca recuperar o legado das escritoras ao longo da historia, tantas veces silenciado, e promover a súa incorporación plena á memoria cultural colectiva.

Hoxe, 23 de setembro, conmemórase o Día Internacional contra a Explotación Sexual e o Tráfico de Mulleres, Nenas e Nenos, instaurado no ano 1999 pola Conferencia Mundial da Coalición contra o Tráfico de Persoas, en coordinación coa Conferencia de Mulleres en Dhaka (Bangladesh). Esta xornada constitúe unha chamada á reflexión sobre unha das formas máis graves de vulneración dos dereitos humanos: a explotación e o tráfico de persoas.

Tui despedirá o verán co Festival Boas Vibes, un punto de encontro entre a mocidade, a creatividade e a cultura. Todo mañá sábado na Alameda de San Domingos, dende as 11 h até as 00 h. Esta iniciativa posta en marcha no outono de 2024 pola concellería de Igualdade, dá un paso máis, promovendo as “boas vibras”  poñendo a igualdade de oportunidades, o respecto, a cohesión social e a corresponsabilidade no centro.

O Festival Boas Vibes, que este sábado, 6 de setembro, se celebra na Alameda de San Domingos, contará cun espazo para visibilizar a creatividade xuvenil cun mercado no que participarán dez mozos e mozas presentando as súas obras en diversas disciplinas.

A mocidade será a gran protagonista este sábado 6 de setembro en Tui, coa celebración do Festival Boas Vibes na Alameda de San Domingos. Un punto de encontro entre persoas novas, creatividade e cultura na segunda edición deste festival.

A programación comeza ás 11 h coa apertura dos postos do Mercado Creativo, onde se amosará o talento novo en produtos e pezas de arte, artesanía, ilustración, moda, música, cerámica, xoiería, decoración ou literatura.

Sandra Guedev, coñecida artisticamente como Hydn, é unha das artistas que actuará no Festival Boas Vibes que se celebrará o sábado 6 de setembro na Alameda de San Domingos. Actuará ás 20 h cunha proposta que mestura danza, música en directo e dj. Hydn é creadora do que se podería definir como “galenglish”, ao mesturar o noso idioma co inglés nas súas cancións.

Catro persoas mozas referentes na creación de contidos dixitais, da interpretación, do deporte e da moda compartirán as súas experiencias profesionais e persoais nos Encontros Inspiradores do Festival Boas Vibes. O Mirador da Alameda de San Domingos acollerá estas conversas o sábado 6 de setembro a partir das 12.00 h.

Eris Mackenzie é un dos artistas que actuará no Festival Boas Vibes que se vai celebrar o sábado, 6 de setembro, na Alameda de San Domingos. Cun son de indie-pop electrónico estará en concerto ás 22 h pechando unha xornada chea de música e actividades para a mocidade.

Eris Mackenzie é o proxecto en solitario do galego Carlos Eirís. Autodidacta no ámbito musical, a través da súa paixón e inquedanza, quixo experimentar con distintos instrumentos e técnicas.

Este domingo, 24 de agosto, ás 23.59 h, remata o prazo de inscricións para participa no Mercado Creativo que terá lugar en Tui o próximo sábado, 6 de setembro, de 11 a 21 h, na Alameda de San Domingos, no marco do Festival Boas Vibes.