A Gala do Deporte Tudense 2018 celebrarase o venres 22 de febreiro de 2019, no Teatro Municipal de Tui, na que fará entrega dos Premios Deporte Tudense 2018.

Neste evento recoñecerase o traballo realizado polos distintos deportistas tudenses, nas distintas categorías establecidas polo xurado: deportista masculino e feminino, deportista masculino e feminino promesa, deportista masculino e feminino veterano, club deportivo e club deportivo na promoción do deporte base, adestrador, firma comercial e entidade colaboradora co deporte.

A Eurocidade Tui-Valença promove un novo calendario de andainas saudables para este ano 2019. Terán lugar entre o 16 de marzo e o o 20 de outubro con carácter mensual. Este é o calendario previsto:

VIII Circuíto de Andainas Saudables Eurocidade

• Trilho Sabores Da Lampreia – 16/03/19
• Andaina San Telmo – 28/04/19
• Trilho Sabores Serranos – 12/05/19
• Andaina Monte Tetón – 22/06/19
• Andaina Do Monte Faro Ao Aloia – 20/07/19
• Andaina Histórica De Tui – 03/08/19
• Trilho De Talhao – 20/10/19

O sábado, 16 de febreiro, ás 20 hora galega celébrase o IV Torneo de Veteranos Eurocidade - Taça San Teotonio no Estadio Dr. Lourenço  Raimundo de Valença. Enfrontaranse o Valenciano e o Tyde. 

O Club de Piragüismo Penedo Te Importa e a Federación Galega de Piragüismo organiza a II Copa Galega de Slalom Olímpico que se vai celebrar o domingo, 10 de febreiro, no lugar de Cordeiro, en Alxén, Salvaterra, en augas do río Tea. 

O pavillón Municipal de Tui acolle o sábado, 16 de febreiro, ás 17.30h o Campionato Galego de Patinaxe en Grupos Show, Junior e Cuartetos. A entrada terá un prezo de 5€, sendo gratuíta para os menores de 7 anos. 

Esta organizado polo CPA Ribex, convocado pola Federación Galega de Patinaxe, coa colaboración do Concello de Tui, entre outros.