Pronóstico de Tutiempo.net
Facebook Twitter Vimeo

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Tui forma parte da Red de Juderías de España

Undefined

Tui entra a formar parte da Red de Juderías de España. Así o acordou onte na súa Asemblea Xeral celebrada en Madrid esta entidade conformada por 18 municipios, que a partir de xuño estará constituída por 22 coa incorporación de Tui, Béjar, Sagunto e Lorca.  Precisamente a entrada efectiva producirase na segunda asemblea da Red a finais de xuño.

Play Doc converte a Tui en referente internacional no mundo audiovisual

Undefined

Tui acollerá do mércores 3 ao domingo 7 de abril o XV Festival Internacional de Documentais de Tui, Play Doc. Está mañá tivo lugar a presentación oficial do festival a cargo do alcalde de Tui, Carlos Vázquez Padín, xunto a  Jacobo Sutil, director de Agadic, Axencia Galega de Industriais Culturais da Xunta de Galicia, Ángel Sánchez, codirector do festival, e Beli Martínez, responsable da programación de cinema galego de Play Doc.

Tui despide este domingo o Entroido coa celebración do Enterrro do Bacallau

Undefined

O Entroido despídese este domingo, 24 de marzo, en Tui coa celebración do Enterro do Bacallau. No mesmo prevese a participación de miles de persoas que partirán ás 19.30 h dende a praza de San Fernando. O percorrido que realizará irá polas rúas Seixas, Porta da Pía, Ordoñez e Paseo da Corredoira até o Cantón de Diomedes onde se darán lectura as coplas, e continuará pola praza da Inmaculada, as rúas Augusto G. Besada, Betanzos, Praza de Galicia, e rúa Lugo até a traseira da Área Panorámica para proceder a incineración do bacallau.

A festa do Meixón terá dende este ano un selo distintivo

Undefined

Do 5 ao 29 de abril celebrarase en Tui a Festa do Meixón que dende este ano contará cun selo distintivo, creado pola deseñadora tudense Marta Fontán. No mesmo recóllese de xeito esquemático os elementos patrimoniais e naturais da cidade, así como unha referencia ao río Miño, aos pescadores de Meixón  o escudo de Tui e de Valença. O selo ilustrará tanto os carteis, coma as cazolas e os establecementos participantes na festa. Co mesmo búscase dotar dunha imaxe corporativa a este evento, cunha imaxe atemporal que poderá ser empregada en todas as edicións.

A Eurocidade conmemora o aniversario da vella Ponte Internacional cunha exposición simultánea en Tui e Valença de Puskas

Undefined

Con motivo do 133 aniversario da inauguración da vella Ponte Internacional a Eurocidade Tui-Valença organiza unha exposición do artista Puskas, que amosará a súa obra de xeito simultáneo no Arquivo Municipal de Valença e na Área Panorámica de Tui.

Exposición de Puskas na Eurocidade

Do 22 ao 30 de marzo a obra do artista portugués contemporáneo Puskas pode verse en Tui e Valença nunha mostra organizada pola Eurocidade co gallo do aniversario da vella Ponte Internacional. 

Puskas amosará a súa obra na que plasma diferentes elementos da Eurocidade coma as súas paisaxes, monumentos, santos…  Será de xeito simultáneo na Sala de Exposicións Municipal de Tui, na Área Panorámica e no Arquivo Municipal de Valença. 

O telón do Teatro Principal será exposto durante as festas de San Telmo

Undefined

O telón do Teatro Principal será exposto no mes de abril durante as festas de San Telmo tras realizar unha limpeza e análise do mesmo.

A pasada semana levouse a cabo o exame organoléptico para avaliar o estado de conservación da cortina de boca do Teatro Principal. Segundo a especialista en conservación, a peza a pesar do seu manifesto deterioro, presentaba a nivel de soporte a suficiente resistencia para ser exhibido.

A maxia de Pexegueiro lévase o primeiro premio absoluto e o primeiro en acompañamento musical no Entroido de Tui

Undefined

El extraño mundo de la magia de Pexegueiro” da Asociación Entroido de Pexegueiro foi a gañadora no Desfile-Concurso de Entroido celebrado esta tarde en Tui. Cunha alegoría do mundo máxico de fadas, duendes e outros seres que loitan por unha pócima amorosa fixéronse co primeiro premio do Entroido.   Tamén foron os gañadores o primeiro premio en acompañamento musical e do segundo en carrozas.

Miles de persoas ateigaron esta tarde as rúas de Tui para presenciar o Desfile-Concurso de Entroido.

Tui celebra este domingo o Desfile Concurso de Entroido coa participación de 10 comparsas e preto de 850 persoas

Undefined

Tui celebra este domingo o Concurso Desfile de Entroido logo de que tivera que ser aprazado o pasado día 5 polas adversas condicións meteorolóxicas.  Participarán 10 comparsas das que 4 son de Tui, 2 de Salceda, 2 de Gondomar, 1 de Tomiño e 1 de Redondela, que levarán 13 carrozas e suman 850 persoas desfilando.

Comezará ás 17.30 h para realizar un percorrido polas rúas Casal Aboy, Compostela, Betanzos, Irmáns Maristas, Ourense e A Guarda. 

Páxinas

Subscribirse a RSS - Cultura