Facebook Twitter Vimeo Instagram Youtube

Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño.  Exposicións, festivais de música e cine, feiras, … fan que a cultura teña en Tui un valor excepcional.

Este venres inaugúrase a exposición itinerante “A camelia a flor das galegas e galegos” no Paseo da Corredoira

Undefined

Este venres, 17 de novembro, ás 12.00 h terá lugar a inauguración da exposición itinerante ”A camelia a flor das galegas e galegos” no céntrico Paseo da Corredoira tudense. Ao acto de apertura desta exposición asistirán o alcalde de Tui,  Enrique Cabaleiro, membros da Corporación Municipal, representación da Deputación Provincial e de Turismo “Rías Baixas”, xunto á presidenta da Sociedad Española de la Camelia ,SEC, Carmen Salinero, así como membros de Amigos Tudenses de la Camelia, ATUCA, colaboradora neste evento. 

Ciclo “José Gil. Pontevedra, provincia de cine, na orixe do cinema”

O Teatro Municipal de Tui acollerá este xoves, 16 de novembro, a proxección de distintos traballos de José Gil, pioneiro do cinema galego. Será dentro do ciclo “José Gil. Pontevedra, provincia de cine, na orixe do cinema” da Deputación de Pontevedra, Vía Láctea Films, Cine na Rúa e a Editorial Galaxia, que nesta ocasión conta coa colaboración do Concello de Tui. 

Pola mañá a cita será para alumnado dos centros educativos tudenses, e pola tarde para o público en xeral. O programa previsto é o seguinte: 

Presentación da biografía sobre Basilio Álvarez no ciclo “Sobredo 101 anos despois”

Undefined

Este mércores, 15 de novembro, lugar a presentación do libro “Ese vento que vai sobor da terra. A vida desmedida de Basilio Álvarez”, obra Miguel Cabo Villaverde, profesor de historia na Universidade de Santiago de Compostela editada pola Deputación de Ourense. A presentación terá lugar na Sala Félix Rodríguez González, no Edificio Francisco Sánchez de Tui ás 19.30 h, e correrá a cargo do propio autor.

A actividade, está organizada polo IEAMSO, Instituto de Estudos Agrarios Mártires de Sobredo, no Ciclo “Sobredo, 101 anos despois” e conta coa colaboración do Concello de Tui.

O descubrimento dun monólito e a presentación da tradución do libro “Quod Nihil Scitur” centran en Tui os actos do 400 aniversario do falecemento de Francisco Sánchez

Undefined

Este xoves, 16 de novembro, cúmprese o cuarto centenario do falecemento  do médico e filósofo tudense Francisco Sánchez na cidade francesa de Tolosa. Nesta data culmina o programa de actividades organizado polo Concello de Tui ao longo dos últimos meses  arredor desta histórica personalidade.

O coro Vox Stellae ofrece un concerto mañá martes nas Xornadas Francisco Sánchez

Undefined

O prestixioso coro Vox Stellae ofrecerá mañá martes, 14 de novembro, ás 20 h no Teatro Municipal de Tui un concerto extraordinario titulado “A propósito de Francisco Sánchez “o escéptico” (1550-1623)”. Este concerto, con entrada libre, forma parte do programa de actividades que organiza o Concello de Tui para conmemorar o IV centenario da morte do egrexio pensador tudense, médico e filósofo falecido na cidade francesa de Tolosa o 16 de novembro de 1623.

As bandas sonoras protagonizan o concerto solidario de Santa Icía da Banda de Música Popular de Tui

Undefined

A Banda de Música Popular de Tui vai celebrar a festividade de Santa Icía, patroa dos músicos, cun concerto solidario en beneficio de SOS Tomiño Baixo Miño protagonizado polas bandas sonoras. A cita será o próximo sábado, 25 de novembro, ás 20 h no Teatro Municipal de Tui. No mesmo contan coa colaboración do Concello de Tui, a través da concellería de Cultura.

O próximo martes celebrarase unha xornada de estudo sobre Francisco Sánchez

Undefined

O vindeiro martes, 14 de novembro, a cidade de Tui acolle unha xornada de estudio sobre Francisco Sánchez no IV centenario da súa morte. Celebrarase a partir das 16 h na Sala Félix Rodriguez González con entrada libre. Na mesma catro especialistas achegarán a traxectoria vital e a obra do egrexio pensador tudense ao público. A organización corresponde ao  Consello da Cultura Galega e ao Concello de Tui.

Xornada Francisco Sánchez no IV Centenario da súa morte

O Concello de Tui e o Consello da Cultura Galega homenaxean ao tudense Francisco Sánchez con motivo do cuarto centenario do seu pasamento. Será o próximo martes, 14 de novembro, na Sala Félix Rodríguez coa  “Xornada Francisco Sánchez no IV Centenario da súa morte”

A Xornada desenvolverase a partir das 16 h no edificio Francisco Sánchez, comezando con catro relatorios na Sala Félix Rodríguez, e pechándose, ás 20 h, cun concerto no Teatro Municipal. A  entrada é libre até completar o aforo.

Programa

Páxinas

Subscribirse a RSS - Cultura