“Afranio”, o documental con guión e dirección de Víctor Aparicio e protagonizado por Luis Tosar, proxéctase mañá venres, ás 20 h, no Espazo Sociocultural dentro das Xornadas Siñor Afranio.

Víctor Aparicio, coñecido como Victor Coyote polo grupo musical que encabezou ata a súa disolución en 1992, conta cunha ampla traxectoria multidisciplinar salientando polos seus traballos como debuxante, deseñador e cineasta.  

Mañá xoves, 28 de maio, comezan en Tui as xornadas “O siñor Afranio” organizadas polo Concello de Tui. Será ás 20 h no Espazo Sociocultural, na rúa Camilo José Cela, cunha conferencia da historiadora Natalia Jorge titulada “De Antón Alonso Ríos ao siñor Afranio”.

Dentro da programación de actividades de “Tui en letras” este mércores, 27 de maio, ás 17.30 h  a Biblioteca Municipal de Tui acolle un contacontos para bebés a cargo de Caxoto que presenta o seu espectáculo “Levántate Xan!!!”. Esta sesión está dirixida a cativos de 1 a 3 anos de idade, acompañados dunha persoa adulta.

O Concello de Tui e a Comisión pola Recuperación da Memoria Histórica do Baixo, Miño, Condado e Louriña organizan as Xornadas O Señor Afranio que se van desenvolver do 28 ao 31 deste mes de maio, cunha programación  que combina historia, cinema, viño e música.

O escritor lucense Francisco Narla presentará mañá venres, ás 19.30 h, no Espazo Sociocultural en Tui a súa nova novela, Ultreia. O acto está organizado pola Libraría Espazo Lector Nobel coa colaboración da Biblioteca Municipal e forma do programa de actividades “Tui en Letras” que promove o libro e a lectura nos meses de maio e xuño.

Mañá xoves, 21 de maio, ás 20 h o Espazo Sociocultural, da rúa Camilo José Cela, acollera un concerto especial de Uxía Senlle. Será a “A tecedeira de soños”, unha proposta nova e íntima de Uxía Senlle, que acompañada por Sabela da Cal, acordeón, e Rafa Otero, guitarras, interpretará as cancións dedicadas á súa grande amiga, Begoña Caamaño, homenaxeada este ano no Día das Letras Galegas.

Cris de Caldas chegará mañá mércores, ás 17.30 h, á Biblioteca Municipal de Tui para ofrecer unha sesión de contacontos para a primeira infancia, para nenos de nenas de 4 a 6 de idade.

Tui celebrou onte o Día das Letras Galegas con libros, música e contos nunha xornada cun marcado carácter festivo entorno ás nosas letras e a nosa literatura na praza da Inmaculada. Aquí se celebrou a XXVII Feira do Libro Galego na que máis de 540 títulos de libros en galego tomaron os andeis dos dez postos da libraría Espazo Lector Nóbel, que rexistrou un importante volume de vendas.  As últimas novidades editoriais coma  Arantxa Portabales, Ledicia Costas, Llerena Perezo, Pedro Feijoo, ou Samuel Ferro que estivo asinando exemplares do novo seu libro ao longo da xornada.