Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Tui apraza a celebración do seu Desfile-concurso de Entroido para o próximo sábado, 21 de febreiro, ás 17 h. A decisión responde á adversa previsión meteorolóxica para mañá martes, con choivas ao longo da xornada, e a melloría notable do tempo de cara á fin de semana.
Cita musical e teatral para público familiar este venres, 20 de febreiro, ás 19 h no Teatro Municipal de Tui. A compañía Amarelo presenta “O arcón de Noa”, baixo a dirección de Carlota Rosón e Martín Blanco.
Esta peza escrita por Lilian Portela conta a historia de Noa, que vive coa súa nai nunha casa apartada e non ten con quen xogar. No seu arcón garda os xoguetes que xa non a entreteñen. Pero un día, sen decatarse, activa un encantamento e entra no mundo máxico que habita nese arcón, onde os xoguetes cobran vida e un ser máxico goberna sobre eles.
O próximo luns, 16 de febreiro, ábrese o prazo de solicitude para a instalación de atraccións de feira e outros postos Espazo Feiral (sito na rúa Mártires de Sobredo), durante as festas patronais de San Telmo en Tui. Celebraranse do e 2 ao 14 de abril de 2026.
O prazo de presentación das solicitudes será de 10 días naturais, dende o luns, 16 de febreiro ata o venres, 25 de febreiro de 2026, ambos incluídos.
San Telmo 2026 Anexo I - Solicitude e declaración responsable para instalación de atraccións con público nas festas patronais de San Telmo 2026
San Telmo 2026 - Anexo II Solicitude e declaración responsable para instalación de atraccións sen público nas festas patronais de San Telmo 2026
San Telmo 2026 - Anexo III Solicitude e declaración responsable para instalación dun posto de venda ambulante
San Telmo 2026 Procedemento para a presentación das solicitudes para a colocación dun posto/atracción nas Festas San Telmo 2026
A importancia do Camiño Portugués a Santiago queda tamén reflectida na literatura. Este é o caso do libro “Vamos a Santiago” do escritor portugués Luís Ferreira que mañá ás 20 h se vai presentar no Espazo Sociocultural da rúa Camilo José Cela.
O libro está escrito en portugués e castelán. A publicación, dirixida a público infantil e familiar, aborda, cunha perspectiva didáctica, a singularidade do Camiño Portugués, os lugares por pasa a través da historia dunha familia, moi especial, que decide realizar o Camiño Portugués a Santiago.
Unha viaxe polos sentimentos máis profundos do ser humano será a que ofrecerá o concerto El mal de l’Amor este venres ás 21 h no Teatro Municipal de Tui. O músico e investigador tudense Samuel Diz e o tenor e investigador arxentino Jonatan Alvarado presentarán o seu novo disco no que se recolle repertorio inédito de Gustavo Durán.
A forza, o corido, a animación, e a ironía do Entroido tomarán as rúas de Tui o próximo martes, 17 de febreiro, Martes de Entroido, festivo local en Tui.
Será coa celebración do XXXVII Desfile Concurso no que participarán 935 persoas pertencentes a 12 comparsas que levaran en conxunto 18 de carrozas, facendo gala no seu percorrido polas rúas tudense do espírito do Entroido.
