Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
A Biblioteca Municipal de Tui acolle mañá, mércores 8 de outubro, ás 19.00 horas, unha visita guiada á biblioteca de cinema de Daniel Domínguez co obxectivo de divulgar esta colección bibliográfica e audiovisual. A visita estará a cargo de Angeles García, viúva de Daniel Domínguez, así como dos promotores de Play Doc, Angel Sánchez e Pablo Comesaña.
O contacontos “Viaxes e cancións dos ratos de Lonxetodo” con Trinketrinke Teatro abre mañá martes, ás 17.30 h, a programación do Mes da Biblioteca.
Os Ratos de Lonxedetodo levan 32 anos visitando as bibliotecas de Galicia. Desta volta o rato Fuco, a quen da vida David Pernas, presentará en directo as cancións do álbum ilustrado musical que publicaron o pasado mes de decembro con temas coma “Cancións de Lonxedetodo”, “Baile Singular”, “A estrela sen nome” ou “O rato mariñeiro” xunto aos seus contos favoritos.
Nove actividades conforman o programa co que a Biblioteca Municipal de Tui vai celebrar o “Mes da Biblioteca” coincidindo co Día da Biblioteca que se celebra o 24 de outubro. Dende 1997 esta conmemoración é impulsada pola Asociación de Amigos del Libro Infantil y Juvenil, e á mesma fóronse sumando, xa dende hai algún tempo, as bibliotecas nas súas diversas modalidades e titularidades.
O Concello de Tui sumouse este pasado domingo aos actos conmemorativos do Ano Castelao cun evento que combinou historia, viño e música para lembrar a traxectoria vital e creativa do autor.
O edificio da praza da Inmaculada acolleu esta celebración, na que o profesor e historiador Bieito Alonso guiou ao público nun percorrido pola vida e obra de Castelao. Fíxoo narrando a súa historia e falando da súa ampla obra en moi diversos eidos desde os ventanais do primeiro andar cara ao patio central.
“Os contos do Lobicán” é o espectáculo de monicreques musical para público familiar que este venres, ás 19 h, presenta no Teatro Municipal de Tui Redrum Teatro. A obra vai dirixida a nenos e nenas de entre 3 e 8 anos e ten unha duración de 40 minutos.
O texto de Eva Mejuto foi gañador do XV Premio Barriga Verde 2022 e gañador do Premio ao Mellor Espectáculo de monicreques nos XXIX Premios de Teatro María Casares.
“Os contos de Lobicán” está dirixido por Alex Sampayo e o elenco está formado por Guillermo Carbajo e Victoria Pérez.
O Concello de Tui presentou este mediodía, no Espazo Sociocultural da rúa Camilo José Cela, a imaxe de marca da conmemoración do 800 aniversario da consagración da Catedral de Tui.
Hoxe martes, 30 de setembro, ás 12.30 h no Espazo Sociocultural da rúa Camilo José Cela terá lugar a presentación pública da imaxe de marca do 800 aniversario da consagración da Catedral de Tui.
O acto contará coa participación de Enrique Cabaleiro, alcalde de Tui; José Diéguez Dieppa, deán da Catedral; e Ana Lozano da empresa Anónimo.
O Teatro Municipal de Tui abre este sábado a súa programación de outono. Faino con “Ingrávida”, o concerto co que Mercedes Peón celebra os 25 anos no mundo da música dende a edición do seu primeiro disco Isué.
Tui volve subir ao Autobús do Teatro para acudir a Santiago á representación de “A serie clopen” do Centro Dramático Galego no Salón Teatro.
Dende Tui sairá un autobús o xoves, 16 de outubro, ás 14.50 h para acudir á función das 18 h. O prezo é de 5€ incluíndo o autobús e a entrada ao espectáculo.
O Concello de Tui volve participar neste programa de mobilidade do Centro Dramático Galego que posibilita acudir aos seus espectáculos en Compostela.
O pano do Teatro Municipal de Tui volverá a abrirse neste outono cunha programación conformada por nove espectáculos de música, teatro, cinema, maxia e monólogos. Do 27 de setembro ao 22 de novembro o espazo escénico tudense brindará ao público de todas as idades, dende os bebés aos adultos, unha coidada oferta protagonizada pola calidade, variedade e compromiso coa creación galega.
