Este xoves, 22 de maio, ás 19.30 h, a Sala Municipal de Exposicións do Concello de Tui acolle a presentación do catálogo da exposición “Borders” do artista cordobés Jacinto Lara. A mostra foi inaugurada a pasada semana e pode visitarse en Tui até o 15 de xuño.  Na presentación intervirán o propio artista xunto a Federico Castro Morales, o presidente da Fundación MBM (Move be Moved), que editou o catálogo que agora se presenta.

Até o luns, 2 de xuño, pódense presentar as solicitudes para a realización das fogueiras de San Xoán. Nun bando da alcaldía infórmase das normas e condicións de seguridade para a realización das cacharelas.

A Biblioteca Municipal de Tui acolle mañá martes, 20 de maio, ás 17.30 h  “Historias fabulosas con maxia con 2 Minds Combined. É unha actividade de animación á lectura que forma parte da programación “Tui en letras” que ao longo dos meses de maio e xuño oferta ata 20 propostas para todos os sectores de idade.

Elisa Alfaya e Ian R Hamilton, 2 Minds Combined, presentan este espectáculo “Historias fabulosas con maxia” dirixido aos rapaces entre 4 e 12 anos de idade.

Este sábado, 17 de maio, o Paseo da Corredoira tudense acolle unha nova edición da “Feira do Libro Galego” que dende hai 26 edicións achega a produción editorial galega á veciñanza, visitantes e lectores. Neste ano as librarías locais, Libraría Iris e Libraría Nobel, ocuparan 15 postos de venda onde se amosarán as novidades tanto literarias como de non ficción para a infancia, mocidade e lectores adultos, cun desconto do 10%.

Mañá mércores, 14 de maio, celébrase, no Teatro Municipal, a décimo sexta edición de “Tui Le”, unha iniciativa promovida pola Biblioteca Pública Municipal de Tui  xunto coas bibliotecas escolares dos centros educativos de Tui. Trátase dunha xornada de actividades arredor do libro e a lectura que se celebra anualmente.

A Biblioteca Municipal de Tui acolle o luns a presentación das novelas da escritora do Porriño, Lisi Da Silva, que ten editado recentemente “Martín no sabe morir” e “El ruído de los tonos grises”. A cita será ás 20 h na Sala Félix Rodríguez González dentro da actividades que programa o Concello de Tui nos meses de maio e xuño co título de “Tui en letras”.

Estas novelas “Martín no sabe morir” e “El ruído dos tonos grises” están protagonizadas pola inspectora Lola Oliveira. Son as dúas dúas primeiras entregas da triloxía "Crebas".

A vixésimo primeira edición de Play-Doc comezará hoxe, mércores 7 de maio, ás 20:30 h, no Teatro Municipal de Tui, cunha xornada que combina cinema, música e poesía.

A inauguración desta edición comezará coa presentación dos directores do festival, Ángel Sánchez e Sara García, para continuar coas intervencións dos representantes institucionais: Enrique Cabaleiro, alcalde de Tui, José López Campos, conselleiro de Cultura, Lingua e Xuventude e Jorge Cubela, deputado de reto demográfico, mocidade e desenvolvemento rural e cultura.

A Sala Municipal de Exposicións do Concello de Tui acolle ata este sábado, 10 de maio, unha excepcional exposición que recolle as maquetas de Tui realizadas por José Martínez Clotet. Co titulo de “A fermosura do pequeno” esta mostra recolle un total de 75 maquetas, onde salientan as espectaculares maquetas de Tui e Valença, ás que se unen as 42 fachadas de todos os edificios do Paseo da Corredoira tudense e as 29 maquetas de monumentos, igrexas e outros edificios singulares do municipio.

Mañá mércores, 7 de maio, ás 19.30  h na Sala Félix Rodríguez, continúa a programación de “Tui en letras” coa presentación de "El baúl de la República”. É a primeira novela escrita por Laura Martínez Alarcón, baseada no exilio republicano en México.

Mañá martes, 6 de maio, ás 17.30 h na Biblioteca Municipal, cun contacontos para bebés comezan as actividades da  programación de “Tui en letras” que promove a concellaría de Ensino, Cultura e Mocidade tudense para os meses de maio e xuño.