O próximo martes, 19 de agosto, finaliza o ciclo de visitas guiadas que ven organizando o Instituto de Estudios Tudenses, coa colaboración do Concello de Tui, ao longo dos meses de xullo e agosto baixo o titulo de “Coñece o noso patrimonio”. Será coa visita á igrexa tudense de San Telmo, un dos referentes do conxunto histórico tudense tanto polo seu valor monumental como pola súa dimensión inmaterial vinculada ao culto e devoción a san Telmo, patrón da cidade.

A nosa gastronomía tradicional conquistará este sábado a rúa Compostela da man de once asociacións culturais tudenses que protagonizarán a XIII Festa Gastronómica. Non faltará a música da man das charangas tudenses A Tu Ritmo e Cantos Somos. 

Cine para toda a familia na segunda fin de semana do mes de agosto, dentro da programación cultural de verán organizada polo Concello de Tui.

A cita será este venres, ás 22.15 h, na praza do Pracer co proxección de “A elefanta do mago”, de Wendy Rogers.

Éxito na cuarta visita do ciclo “Coñece o noso patrimonio”, organizado polo Instituto de Estudos Tudenses en colaboración co Concello de Tui. Un centenar de persoas descubriron este martes a historia e os segredos que agocha o Mosteiro de Sanfins na Unión de Freguesías de Sanfins de Gondomil, en Valença. 

Durante unha hora de visita, o historiador valenciano Narciso Serra guiou un percorrido por este Mosteiro, que é un dos exemplos máis salientables do románico de Portugal, monumento nacional dende 1910. 

Tui reivindicou o seu papel coma capital do Camiño Portugués do que é a porta de entrada a Galicia con música, danza, historia e unha andaina.

O folclore de Macedonia, Costa de Marfil, Arxentina e Brasil, protagonizará o próximo martes, 29 de xullo, ás 21.30 h a Noite Internacional do Miño no parque do Laxal en Rebordáns. Este evento, organizado pola Escola de Baile Música San Fins, forma parte da programación cultural do verán en Tui.

O próximo martes, 29 de xullo, continúa o ciclo de visitas guiadas organizadas polo Instituto de Estudios Tudenses coa colaboración do Concello de Tui no mes de xullo e agosto, baixo o titulo de “Coñece o noso patrimonio”. Nesta ocasión será unha visita guiada ao mosteiro de Sanfins, en Friestas, en Valença, que comezará ás 20 h ES. 

O próximo sábado 16 de agosto imos celebrar a XIII Festa Gastronómica na rúa Compostela, no tramo comprendido entre as rúas Ourense e Betanzos.  Este evento forma parte da programación de actividades da Festa do Miño 2025. 

As asociacións culturais de Tui que desexen participar deberán presentar a súa solicitude, cubrindo o Anexo I, xunto coa documentación requirida, o próximo luns 28 ou martes 29 de xullo. 

Medio centenar de persoas asistiron onte á tarde a conferencia sobre os 700 anos da peregrinación da Rainha Santa que ofreceu o historiador e membro do Instituto de Estudos Tudenses, Rafael Sánchez Bargiela, na igrexa de San Domingos.

Con este acto abriuse a programación “"Tui capital do  Camiño Portugués – cultura no camiño portugués" que prosegue até mañá venres.

Rafael Sánchez Bargiela afondou no percorrido que dende Coimbra realizou até Compostela a raíña Isabel de Aragón, viúva de Don Dinis, rei de Portugal, en 1325.

A festividade do apóstolo Santiago, este venres 25 de xullo, centra as actividades que o Concello de Tui organiza esta semana reivindicando o papel que a cidade de Tui desenvolve como “capital do Camiño Portugués a Santiago” que están a percorrer numerosos peregrinos nestas datas finais de xullo.

O Concello de Tui organiza nestas xornadas catro actividades que reivindican a condición xacobea da nosa cidade, a súa tradicional hospitalidade na acollida aos peregrinos así como a súa vocación cultural cunha oferta ampla e diversificada de actividades ao longo do ano-